中環人語

譚惠珠老豆開夜總會

贊助商連結

譚惠珠作為「撐七警」的香港警察員佐級協會創會會長,淵源在於其當差的父親譚松,有老一輩上環街坊都記得,呢個「咩喳」即警署警長的猛人譚松,對鋪頭阻街執法特別嚴,所以街坊都好識做。

翻查資料,譚惠珠老豆做差佬都非常長袖善舞,五十年代已可以現兜兜買入中半山麥當勞道單位,並且經營的士公司生意,一九六四年在中環開設京華酒樓夜總會,以及副線京富酒樓,譚松個仔譚榮就負責酒樓財務;京華酒樓有三層,樓上是 Blue Heaven藍天夜總會;所以話譚惠珠老豆出身警界而又能縱橫商界,七警要向這位老前輩學習學習。




京華酒樓位於皇后大道中 48號,樓上為藍天( Blue Heaven)夜總會,六十年代是當旺蒲點,這個是昔日火柴盒。


譚惠珠父親譚松及兄長譚榮就是京華酒樓夜總會董事。 胡官猛料媳婦


二○○○年,胡官長子胡雅烈與于文瑛結婚,親家是熊谷組創辦人于鏡波夫婦(右一及左二),右二是胡官太太鄧小婷。

特首候選人胡官有兩子胡雅烈和胡雅倫,但做律師的孻仔胡雅倫甚少在競選期間露面,不過他活躍於親中人士圈子,不單只是中聯辦菁英會成員,也是廣東省茂名政協以及青年聯會成員,與該會主席的 K仔(霍啟剛)玩埋一堆,聽講胡雅倫「老婆」好「猛料」,有次在灣仔福臨門碰到友人,握吓手打聲招呼,呢位豪氣萬千的女子便替對方埋單,睇到老主顧眼凸凸,聽講呢位洋名叫 Christina的胡家媳婦為國內高幹的「菲林女」,何謂菲林?現為 digital年代,可能要補充一下,菲林年代曬相要喺黑房,走光就唔得掂啦,八、九十後明無?奇哉,向胡官求證孻仔胡雅倫婚姻狀況,他不肯回應,胡官呢方面又唔及林鄭同鬍鬚曾屋企人咁透明噃!

中環寸嘴:快活谷寸嘴——貪佢夠粗咩!

跑馬地蓮園近排爆紅,事頭婆霞姐寸嘴夠出位,唓,我一踩入去,佢即刻話:「我知你邊個!」我都回敬佢一句:「我都知你邊個。」我同你哋講,事頭婆七十年代喺尖沙咀間中華酒樓夜總會,係點心部領班,嗰陣都睇得吓,俾個大廚溝咗佢,做咗佢老公,話晒我老豆係中華酒樓二十位創辦人「之一」,有少少股份,大股東就係同珍醬油佬王仲銘,事頭婆又點會唔識我呢?話晒大家都 under過我老豆,叫做同門師兄妹,一脈相承都係拋得兩嘴。
唉,啲報導話佢以惡聞名,其實做到「𤷪」就真,蓮園冇兵冇卒,樓面又係佢,收銀又係佢,個老公喺廚房煮,真係做到氣咳;睇吓附近競爭對手——跑馬地正斗,地點又靚,又豪裝,做洗碗、樓面有得揀都去人哋度做,蓮園真係冇條件去比,叫做喺個 niche度生存;所以蓮園都係揀客,專做外賣乾手淨腳,我覺得佢啲出品係超值嘅!個老友問我,霞姐後生喺酒樓做點心領班,個樣又睇得吓,點解冇啲富貴茶客溝佢?我話:「唓,貪佢夠粗咩!」




老闆娘做到𤷪,係咁催我落單,話:「喂,嚟啦喂,停頓晒咁,我仲要招呼其他客㗎,都無手包外賣俾人哋!」


蓮園入面個格局亂糟糟,其實揀客做,想你買外賣算數。

楊國佳
工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

夢熊追女有術

夢熊出獄後並無勁料爆,但提起他身邊的紅顏知己何綺雲( Margaret),猶如蜜運中少男,春情蕩漾,當日他步出赤柱監獄,手持一袋物品,原來是坐監期間與「紅顏知己」每週的「情書」,在一個洗塵飯局上,他滔滔不絕憶起追女事跡;原來他與何小姐八十年代邂逅於廣州,對方曾在廣州選美會獲第五名;在金融市場上, Dream Bear為求做刁,不惜坐在大孖沙寫字樓死等,為求見對方一面,「死纏爛打」一招用於追女上亦奏效, Dream Bear自爆曾經冒着雨在灣仔警署前面, 104號過海隧道巴士站,打着傘等「紅顏知己」落巴士再送她回寫字樓,仲話幫自己買咗份四千萬元保險,受益人為對方,亦慷慨贈一層豪宅作歸宿, Dream Bear明白到女人講心亦要講金的道理,咁何小姐又點會唔到手呢?




洗塵宴上,劉夢熊一講起「紅顏知己」,甜在心頭。


劉夢熊與紅顏知己何綺雲(右)邂逅於廣州。

, , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()