一手發掘 FFx經理人 Sam,最近新簽了三個年齡由 19至 23歲的女子組成 Dancerella。

探熱針

向 FFx挑機  Dancerella拍 MV Cheap過九百蚊

贊助商連結

去年有隊 FFx憑住一首《 Sugar Baby》加埋一個低成本充滿「膠味」 MV,贏得網上極高點擊率,仲可以喺麥花臣開埋演唱會,點知玩唔夠一年就宣布拆夥。
不過,最近又有一隊新 MK pop女子組合 Dancerella登場,原來同樣係當年一手發掘 FFx經理人,想用她們來取代 FFx,而頭炮她們更會重新演繹《 Sugar Baby》,而今次 MV成本更要低過九百蚊,擺明挑機。

MV低過$900

今年正式出道 MK pop女子組合 Dancerella,由三個十九至二十三歲女仔 Suki(陳淑敏)、 Koyuki(千本小雪)及 Taryn(李穎琛)組成,她們本身是舞蹈藝員出身,跳得唔使講,其中成員 Koyuki更有鋼琴演奏級,加埋樣貌冇之前 FFx成員咁重 MK味,所以她們就算只係重新排過舞翻唱《 Sugar Baby》,未正式出道都已經有登台 show接。
為了要向 FFx挑機,唱片公司更會幫她們拍 MV,之前 FFx用了九百蚊超低成本拍 MV,成為一個經典,所以今次她們只會用低過九百蚊成本拍這個 MV。
雖然個 MV成本 cheap到無朋友,但係三個女仔竟然唔介意,仲以此為榮,「我哋都有問過經理人係咪好似之前嗰隊咁用九百蚊去拍 MV,不過經理人每次都唔答,話係商業秘密,直到最近我哋決定要拍個 KTV版派上卡拉 OK,公司就同我哋講要控制 budget,今次要打破九百蚊呢個神話,但係我哋自己排舞,淨係呢度已經慳返唔少啦!」三位成員興奮透露。




FFx當年以$900成本拍《 Sugar Baby》, MV上載到 YouTube,雖然一面倒「負皮」,但就愈鬧愈多人留意。


三位成員都係舞蹈員出身,重新編排的《 Sugar Baby》,當中不乏趷籮動作。


早前 Dancerella聯同一班 dancers翻拍《 Sugar Baby》 MV。


開完騷無耐, FFx鬧出內訌,其中 Shirley更被指她安排姊妹出席飯局搵快錢,後來又哭訴自己被性侵。


去年 FFx四位成員在旺角麥花臣開騷,可惜銷情未如理想。 唔怕被抨擊

至於被問到可會擔心像 FFx一樣,被網民恥笑及抨擊而增加壓力?她們三人都做足心理準備,「我哋本來都有擔心,不過經理人一早已經同我哋做晒輔導,加上我哋真係好用心跳舞,決心喺呢行發展!我哋知道做歌手要求好高,仲要兼顧現場氣氛,又要有技巧將現場氣氛炒旺場,而家每次演出唱《 Sugar Baby》,全場尖叫聲不停,我哋真係好享受登上舞台做主角!」




成員 Koyuki(千本小雪)擁有演奏級鋼琴,而家仲有兼職教琴!


Taryn(李穎琛)性格爽朗,加上一對長腿,吸引唔少宅男愛戴。


舞蹈員出身嘅 Suki(陳淑敏)唱得又跳得。


剛剛出道的 Dancerella憑翻唱《 Sugar Baby》已經接唔少登台 show,又接 FFx手行婚紗 show。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()