娛樂偵訊

由揸咪到揸畫筆  62歲麥潔文自通開畫展

贊助商連結

62歲的麥潔文,橫跨唱歌事業三十多年,但到了「登六」的歲月後,仍有本事開創另一段人生。美術科曾是她求學時期的強項,近年揸咪之餘,揸埋畫筆,仲畫到開畫展,做畫家。人生下半場,是沉悶還是充滿色彩,其實睇你想點!

 


江華投訴變點醒

三月底開始,為期一個月的個人畫展「塗寶」,麥潔文展示四十幅作品。睇中的話,只售複製品,每張三百至六百元不等。

一三年,麥潔文因為老公江華一句說話,重拾幾十年冇攞起過的畫筆。
「仔女大晒我好得閒,老公投訴我成日掛住打機!又係喎,唔好咁頹廢,於是畫番畫,又真係幾好喎。本來想去學油畫,但我份人唔鍾意被規範框死,喜歡 crossover,一幅畫會用水筆、木顏色甚至毛筆畫成。所以朋友問我係邊個派別,我講唔到,冇派別。」麥潔文說。
夫妻情浪漫系列

訪問當日,江華做柴可夫送老婆到訪問現場,他則在樓下用手機拍老婆工作情況,呢啲係咪叫情趣?

無師自通,靈感高峰期可以一個月畫十幅。三年時間儲下八十幅作品,又因老公一句話:「你啲畫好靚,可以開畫展啦!」
一個讚賞變成一個夢想,畫展本月底舉行,麥潔文嚴選了四十幅作品示眾,夢想變成現實。
展品之中,包括由昔日畫給老公的心意咭演變成的浪漫系列「球琪戀」!一對球體戀人永遠孖公仔,長相廝守的故事,蘊藏着夫妻關係細水長流的寫照。
「感情觀方面,我比較偏向白頭到老,天長地久嘅想法,所以『球琪戀』代表成雙成對,好恩愛。」
無法經營的完美

兩人結婚 24年,今日依然有影皆雙。麥潔文的畫作,不少反映她的婚姻現狀。

畫展另一系列「 Lockman」創傻氣人物,也是麥潔文對丈夫的一種投射。
「故意將佢創作成大細眼,想表達人唔可以完美,所以要學識接受唔完美,好似我腳粗,你笑我腳粗咪腳粗,大細眼都係個人特色。」
麥潔文看得透,但她的另一半卻是完美主義者。
「我錄歌,只求盡善盡美而非完美,例如有啲人未必聽得出嘅少少走音位,只要唔過分,我唔會改。但我老公試過一路聽我錄音,一邊 mark晒啲唔完美嘅位,然後不停咁改,但到最後都係覺得效果唔完美,就唔開心。不過佢叫我開畫展,我話啲畫咁渣,唔係咁完美喎!點知佢話:『唔係喎,我覺得好完美!』所以完美根本冇準則,唔需要刻意追求。」麥潔文畫住她創作的 Lockman說。


畫展主題:大香港
花了幾天完成,有人力車、舊滙豐銀行總行、昔日郵筒等等的香港集體回憶,是主題作。麥潔文手中繪畫的交通警,點解有啲江華味嘅?
婚姻寫照:球琪戀
「我送俾老公嘅畫就係畫呢啲,男嘅叫阿球,女嘅叫阿琪。呢幅係我第一幅創作嘅『球琪戀』系列作品。我鍾意畫波波,所以畫中有冷球、桌球,名堂係波場邂逅,係阿球同阿琪嘅開始,白頭到老嘅都有。」

波場邂逅

老嘢也要談情


有玄機的金魚
她問在場的人看到金魚玄機嗎?原來三條魚頭上分別畫上福、祿、壽。年前她在餐廳的桌紙上只隨意畫了金魚草稿,結果回家將她演變成這幅色彩斑斕的金魚之作。


羅志祥俾靈感
呢幅麥潔文問:「你覺得似咩?」八爪魚是也!「我睇完星爺套《美人魚》,小豬演嘅八爪魚俾人掟落攪拌機,觸發我靈感而畫。」不過呢幅畫唔會展出。
Kitman投射的 Lockman
麥潔文創作的卡通人物「 Lockman」大細眼,永遠咧嘴笑,是她樂天性格的投射,亦是外表 Cool爆兼夾是完美主義者的老公江華對照。

 

 

撰文、攝影、攝錄

:娛樂組
場地提供:小房子

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()