娛樂偵訊

北上扮豬妖 細細粒同梁朝偉拍《捉妖記 2》

贊助商連結

陳嘉佳(細細粒)因劇集《老表,你好嘢!》的「細細粒」一角彈出,可愛肥妹形象食住上,一劇接一劇。最近,細細粒憑住噸位被睇中客串《捉妖記 2》飾演豬妖,更被安排與梁朝偉做對手戲!

已飛北京拍攝

15年上映的《捉妖記》,累積票房達廿四億人民幣,成為中國電影史上票房收入第二高的華語電影,續集《捉妖記 2》已於年初在北京開拍。「續集籌備咗成年終於開機拍,今次加咗唔少新角色,主角繼續有井柏然外,仲加咗梁朝偉,連細細粒都有份選中做豬妖,佢二月頭飛咗去北京拍,同梁朝偉做對手戲,前後三日兩夜搞掂晒,難得同影帝合作,套戲卡士又大,細細粒不知幾開心。」知情者說。




《捉妖記 2》是明年的賀歲片,所有演員的扮相也要保密,扮豬妖的細細粒只能放上剪影相。


《捉妖記 2》除咗井柏然冧庄繼續做男一,仲加埋影帝梁朝偉。


在劇集《迷》中,飾演兄妹的細細粒與金剛很有火花。 瘦面不瘦身

早前,在銅鑼灣見到細細粒,同行還有一位男友人,二人急步入商場,再直上美容院。原來為咗同偶像梁朝偉做對手戲,細細粒走去做瘦面。「細細粒二百幾磅重,又冇意思減肥,肥對佢嚟講係個賣點,不過肥還肥,上鏡塊面太大唔好睇,所以咪去做瘦面,又快又有效,最緊要唔使佢節食嘛。」
一手由王祖藍發掘的細粒粒,去年簽為祖藍旗下藝人,繼續工作量爆燈。正出街的大台劇《迷》,有份演出的她,跟劇中演兄妹的金剛及好姊妹劉思希,不時爆肚演出,在劇中相當搶鏡。




12年入行做演員的細細粒,幸好得到王祖藍提攜,去年她更簽約成為祖藍旗下藝人。


二月初,細細粒飛北京為電影埋位。


早前,在銅鑼灣見到細細粒與男友人急步走上美容院。


一直堅持唔減肥的細細粒,為了與偶像梁朝偉做對手戲,竟然走去做瘦面機。


去年五月,細細粒因違例泊車而被鎖車,事後她在網上大發雷霆,反被網民指責,知衰的她才再發貼子道歉,平息風波。 可愛肥妹

做藝人唔一定要樣靚身材正,肥都一樣憑獨特形象跑出,除細細粒外,不少可愛肥妹藝人都贏到好多粉絲。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()