娛樂偵訊

林作媽專訪 王莉妮:靠雙手撐起成頭家

贊助商連結

十優港姐麥明詩跟前大狀男友林作去年九月分手,兜兜轉轉,早已成為半個娛圈人的林作,月初突然宣布放棄做大律師,轉行做補習天王(簽遵理十年)、拍戲等。不按牌理出牌,原來背後一手栽培他的林媽媽王莉妮也不簡單,林作 89年出世,一個女人月入三千蚊撐起成頭家,到現在擁有過億物業成環保、地產公司老闆,她說都是靠自己一雙手打拼出來。

擁過億物業

林作媽投資眼光準,出手快,去年四月地產巿道低迷,她一擲六千三百多萬購入麥當勞道複式單位,相隔一年,升值接近千萬。連同在港投資另外三個物業,林作媽擁過億物業:「業主放盤兩日,就俾我執(買)咗,依家銀行評估去到七千二百幾萬。」她說。
但三千五百呎新屋,林作媽只花了三十萬在淘寶買傢俬,慳字行先早已訓練有素。
「林作出世時,我仲係打工仔,一個月搵緊三千幾蚊,好低人工,買奶粉錢都唔夠,當時冇錢經濟好緊張。放工就會周圍睇吓邊度有平菜買,林作三歲之後,我就出嚟搵機會賺錢,因為想搵多啲錢送佢入好嘅國際學校。」林作媽說。




為配合訪問內容,林作媽幾經考慮,才願意給記者一張年輕時的照片。


據田土廳查冊資料顯示,林作媽手頭的兩個麥當勞道物業,由生意拍檔楊海成的胞兄楊受成持有的英皇財務造按揭。


林作媽王莉妮當日接受專訪,透露靠自己一對手撐起成頭家。 搏盡買原始股

做生意眼光獨到,也要膽識配合。買股票搵到第一桶金。九○年底,深圳證券交易所開通,她買了大批原始股。
「我炒股票,買咗好多原始股,嗰時只係一張紙,其實好唔健全,嗰張紙未託管又未上巿,不過一上巿,就升成二十幾三十倍。一蚊一股,好似深圳發展銀行,一張紙買返嚟,一上巿升到五十幾蚊。」林作媽說當年為搵錢搏到盡。




有報導指她的善美集團跟楊海成實德環保公司合作,她承認二人是生意拍檔。


打官司七年


上週五,王莉妮跟林作接受即將開台的奇妙電視節目《何家姊妹何家餐》家訪,大講潮州菜。

有本錢後,她變得更加積極。林作四歲以後,她單人匹馬跑遍東北三省,孭住背囊四出搵生意。名下的美善集團,經營地產、環保業務,一三年,又跟楊海成旗下的實德環球合作,生意愈做愈大。
「我喺內地會做不良投資生意,即收爛尾樓,上落都好大,喺物業投資方面,我都睇得幾準。不過唔係鋪鋪贏,早年做過一單房地產生意,啲合伙人勾心鬥角,到依家仲打緊官司,啲錢扣晒喺度。單官司打咗成六、七年都未完,所以都幾辛苦。」林作媽說自己好勝,但並非每次都是贏家。

林作支持離婚


林作決定多元化發展後,日前出席喜劇電影《江湖三傻》開鏡儀式,更特登跟騷胸尹蓁晞和黃榕握手。

林作媽形容前夫「唔係好搵到錢」,但一家書香世代是文化人,林作讀書叻遺傳自父親:「我哋兩個人最初關係幾好,到阿 Joe十五歲已經唔得。阿 Joe話我哋為佢而夾硬喺埋一齊,到十九歲,連佢都支持我同老豆離婚。不過老豆好錫阿 Joe,入哈羅、攞到獎學金同考入牛津,都因為老豆喺身邊支持。佢哋兩父子仲有聯繫,個仔有咁嘅成績,佢都好驕傲。」
悉心栽培林作,名牌哈羅中學學費每年接近七十萬,林作媽自言搵錢未敢鬆懈。她回憶靠雙手打拼天下日子:「以前交通好唔方便,搭完火車又要搭船,搵食好艱難,一個人周圍去,一餐飽一餐餓,所以我哋冇咩背景,都係白手興家。阿 Joe欣賞我唔靠人能夠有今日,佢身邊好多同學都有背景,阿爺阿嫲留好多(錢)俾佢哋。」

要求「三個叻」

母子倆相處似朋友,她從小給林作空間自由發揮,但最好達到「三個叻」要求,她說:「讀書要叻、搵錢要叻,溝女都要叻;搵女朋友尤其唔可以是但,要有條件,起碼係優質,第日子孫先聰明,呢啲遺傳基因好緊要。」提到外間指林作放棄大律師「嘥咗」,林作媽認為人生應活得精采,本來投反對票的她,最後也認同林作看法:「特朗普(美國總統)、邱吉爾(前英國首相)都涉足過娛樂圈、媒體;約翰遜(前倫敦巿巿長)甚至做過記者,都係多元化發展,好多偉人都行過呢啲路,阿 Joe話自己算係咩,依家先得廿幾歲,咩都要試吓。」




曾經想涉足政壇的林作, 15年參選區議員,幾乎日日在黃大仙區打躉,超級投入。


前年正式成為執業大律師,林作媽為他舉行慶祝派對,當日麥明詩也有出席。


林作早前到澳門為旅遊局拍宣傳片,跟一班演員齊齊食飯盒醫肚。


林作媽跟趙雪英等份屬好姊妹,去年生日,她們到中國會食飯慶祝。


林作說以前只知道要見媽咪,最佳方法是跟住她去傾生意,童年大部分時間多由婆婆照顧。


林作媽交遊廣闊,新居經常用來款客。 過億物業

由三千幾元月薪,到現在擁有過億物業的王莉妮,憑智慧、懂得把握機會,炒股票而獲得第一桶金,再作適當的投資錢滾錢,是位成功的生意人。王莉妮分別是祥豐有限公司及深圳善美集團的股東之一,公司主要業務是房地產投資、廣告、環保科技及農業技術開發等工作。



2016年
以 6338萬購入中環半山麥當勞道 98號嘉年大廈的複式單位自住,現在市值 6400萬。

2011年
以 3050萬購入中環半山麥當勞道 98號嘉年大廈其中一單位給林作自住,現在市值 4000萬。



2006年
林作以 622萬購入鑽石山星河明居 C座一單位,現在市值 700萬。



2014年
以 380萬購入紅磡海逸豪園二期玉庭軒一單位,並於 16年以 550萬轉讓給林作,現在市值 800萬。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()