next2.jpg


洗盡鉛華做平凡人妻, BoBo左手無名指的婚戒,款式簡樸,所揸的百五萬 Benz跑,則是老細旗下公司登記,並非 BoBo所有。

娛頭

轉行金融之花 秘嫁打工仔首曝光 陳文媛:“我已經唔係呢個圈!”

贊助商連結

近年轉行做了金融之花,努力忘記九年前陳冠希事件傷痛的陳文媛,上年 11月 26日秘嫁平凡打工仔,在土瓜灣擺酒亦一個圈中人都無請。
現年 37歲的 BoBo,老公比自己細 3歲兼收入有限,但對 BoBo呵護備至,連老爺奶奶亦唔介意 BoBo過去。
日前, BoBo偕貌似高瘦版白只的老公,回深水埗奶奶屋企,婚後首度曝光,左手無名指戴住婚戒,但提到近況, BoBo多次強調:「我無嘢講,我已經唔係呢個圈嘅人!」

上年閃嫁

九年前被陳冠希事件拖累,搞到入豪門撻 Q的陳文媛,年多前更被拍拖十年的金紫耀狠飛,情緒大受打擊,在友人鼓勵下重返教會療傷,亦因此結識現時真命天子
老公。
「同金紫耀拍拖十年都無結果,令 BoBo對婚姻失去信心,直至遇到依家老公,佢好錫 BoBo,亦唔介意 BoBo過去,就連奶奶都好開通,覺得最緊要佢同個仔生活過得開心!」知情者說。
一五年底同金紫耀分手,但原來當年拍拖期間, BoBo已經埋到男友老細莊友堅堆,一四年更加能跳過男友,成為莊友堅旗下公司的要員,同年 BoBo已成功置業,以五百多萬買下杏花邨一個五百多呎單位。




BoBo示意老公落車派利是,老公即刻照做,好聽話!


行了幾步, BoBo已回頭望後面,警覺性甚高。


BoBo老公十分體貼,一個人孭兩個袋,手又挽住兩袋嘢。


○九年美甲店開幕,金紫耀陪 BoBo出席剪綵。


BoBo入行不久,即與 Edison拍拖,是男方少有公開承認的女朋友。

「當年開美甲店,外傳係金紫耀打本,其實都係莊友堅科水,但美甲店蝕足四年執笠,金紫耀又因一單交易累公司有損失被炒,好彩 BoBo嗰時好勤力進修,學投資靠自己,莊友堅亦好睇 BoBo,俾好多機會佢,佢先可以重新振作!」
就連現時 BoBo所駕駛的百五萬 Benz跑,亦是莊友堅旗下公司持有!可見近年才成功轉行的 BoBo的確甚吃得開。
相對富貴前男友金紫耀,現任老公只是打工仔一名, BoBo亦唔介意公一份婆一份。
「雖然買咗樓,但 BoBo結婚之後,無住喺嗰度,反而喺附近租過另一間屋住,而且佢媽咪咁多年都住杏花邨,佢想住近媽咪方便照應!不過,老公係打工仔,而且父母已退休,一路要養家, BoBo都唔介意,搵錢同老公溝亂使!」 BoBo友人說。

兩度改電話

自一三年美甲店結業, BoBo就兩度改電話避圈中人,希望抽離娛樂圈抹走過去不快事。就連以前最老友的傅穎、何韻詩, BoBo亦斬纜無聯絡多年。
「呢九年嚟, BoBo真係經歷咗太多嘢,所以佢更加珍惜而家同老公相處。雖然老公比 BoBo細,但佢心地好善良,而且乜都以 BoBo行先,佢好體貼老婆,都係佢鼓勵 BoBo要放低以前嘅包袱,拍拖唔夠半年已經向 BoBo求婚,令 BoBo好感動!」知情者說。
日前, BoBo偕老公返老爺奶奶屋企,晚上約六時, BoBo駕着老闆名下價值百五萬的 Benz跑,接載老公返深水埗奶奶屋企,似乎時間好趕,原本選擇行東隧過海的她,見車多擠塞,即改行西隧。




轉戰金融界, BoBo改電話與圈中人斷絕聯絡,對娛樂圈毫不留戀。


一五年 BoBo被拍到一身行政人員 look,陪莊友堅外出傾生意。


當年因陳冠希事件避走美國的 BoBo,○九年與金紫耀乘私人飛機返港,私人飛機亦是由莊友堅好友借出。


有老細莊友堅器重, BoBo一四年便以五百多萬買入杏花邨一個單位。


當年容祖兒孖住劉浩龍,到 BoBo美甲店幫襯。


11年,何韻詩演出《賈寶玉》, BoBo亦專登到賀。 警覺性高

BoBo手車相當辣,唔夠四十分鐘,已經抵達深水埗,因為咪錶位泊滿晒, BoBo先放低老公搵車位,等了約十五分鐘,隔籬架車終於開走, BoBo才成功泊低車,但落車前, BoBo刻意戴上口罩!
落咗車, BoBo更警覺性高,同老公向前行唔夠幾步,已經不停擰轉頭望。
當發現記者,更刻意兜圈,又行入了一間鋪頭,再出來轉入一座大廈。
約晚上十時多, BoBo同老公離開奶奶屋企,上番車準備走人,記者現身同 BoBo打招呼,雖然友善吩咐老公落車派利是,但坐在駕駛位的 BoBo,只欲駕車離開,記者再三要求她講幾句,她才絞低車窗表示:「我無嘢講!我已經唔係呢行嘅人!」
但放在駕駛軚的左手,無名指就戴住婚戒,就新婚及是否與圈中人再無聯絡,她只說:「多謝關心!我真係已經唔係呢個圈嘅人!」

各有所愛

 




前度金紫耀亦有新女友,兩人攬住行街好痴纏,但當發現記者,金紫耀卻即刻閃走,更一直無返嚟接女友!


有指同秦舒培打得火熱的 Edison,快做老豆。 分手收場

37歲的陳文媛,入行六年,情史甚少,公開承認的只有陳冠希及金紫耀。



陳冠希
01年,於活動太陽計劃搭上 BoBo, Edison以銀彈攻勢,狂送名牌,又出錢狂買 BoBo處女碟托市,成功冧掂對方, 04年,更被拍到親蜜遊曼谷,其後,因 BoBo嫌男方花心,結束三年情。



金紫耀
06年,泊到好碼頭金融才俊金紫耀,並退出娛樂圈,更一度傳出婚訊,淫照事件爆出後, BoBo與男友避走美國三藩市,陪伴面對逆境,並將婚期無限期押後,人間蒸發十一個月後, BoBo與男友一同返港,其後她生活愈來愈低調,可惜始終分手收場,十年情告吹。

撰文、攝影、攝錄:娛樂組

 

, , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()