為想女兒懂得回饋社會, Natalie每個月會帶 Madison做義工,到屋邨洗樓或老人院探訪。只得一歲多的 Madison,可能是最年輕的義工。

名人動態

何超瓊契女曾昭怡 帶囡囡去屋邨做義工

贊助商連結

有個富爸爸曾文豪的曾昭怡( Natalie),祖父是已故百億富豪曾紀華,她亦是賭王二房孖女何超瓊和何超鳳的契女。 15年與拍拖七年的工程師男友郭俊賢( Justin)結婚,去年誕下女兒 Madison。
出身富貴,但 Natalie平日會帶女兒去公共圖書館、搭地鐵、掃街,兩母女甚至落區到屋邨洗樓探獨居老人和在東華三院旗下的老人院做義工,只希望女兒明白現實所需,長大後回饋社會。

曾昭怡
英文名: Natalie
年齡: 30歲
職業:律師
學歷:美國 Bentley College工商管理系、香港中文大學法律學士畢業
背景:祖父是已故百億富豪曾紀華(福建華僑,開米廠起家,有煙廠、印刷廠和藥廠,資產遍及中港台、馬來西亞和新加坡等地。),父親是曾文豪。




(左)爺爺曾紀華(右)爸爸曾文豪


探訪老人院 去年聖誕節, Natalie抱住 Madison到東華三院旗下的老人院做探訪,與一班老人家整聖誕卡。





拒做全職媽

三十歲的 Natalie(曾昭怡)家住半山獨立屋,生活無憂,但卻沒有被嬌生慣養,去年成為人母後,仍堅持繼續上班,拒做全職闊太。
「讀咗咁多書,唔想咁快就嘥咗,我自己都幾鍾意做律師,唔想咁早放棄。而家我得一個小朋友,未係最忙最忙,如果有三、四個小朋友就話冇辦法,仲可以做,咪做囉!不過好感激公司批准我返四日工,咁樣已經好好喇。」 Natalie說。




何超鳳(前左一)及何超瓊(右一)對 Natalie疼愛有加,契女結婚當日,更感動流淚。


公共圖書館看書 女兒愛閱讀, Natalie會帶她到公共圖書館看書,喜歡那兒多書種選擇。


幫襯大牌檔  Natalie最愛四處覓食,別以為她只愛貴價餐廳,其實她最愛幫襯街邊小店或大牌檔,更會同老公及女兒一起去食。 屋邨洗樓

放假時候, Natalie會與老公 Justin帶埋囡囡去做義工。
「記得第一次去屋邨(屯門)探啲公公婆婆,睇吓佢哋嘅居住環境同有冇特別需要,有冇嘢想我哋幫忙同要我哋去跟進。 Madison冇怕醜,好似我咁四圍同人 hello hello,啲婆婆公公見到佢好開心,嗰刻我覺得咁做其實好有意義,囡囡仲細,唔知我哋做緊義工幫緊人,但佢可以帶到開心俾人。
「我哋去探公公婆婆,佢哋會開心,因為覺得有人關懷自己,見到小朋友啲公公婆婆嗰種開心更加係由心發出嚟,會搣佢摸佢;我個女又會同佢哋 high five,我見到,都好感動。」 Natalie說。




屯門屋邨洗樓  Natalie孭住當時只得一歲的 Madison,與老公一起到屯門屋邨洗樓探望獨居長者,關心他們的需要。


似媽咪一樣為食的 Madison,就算食白烚雞肉、薯仔及紅蘿蔔,一樣吃得津津有味。


Madison瞓醒個樣好似 Daddy Justin,特別是眼睛及眉毛。 買貴衫等減價

易地而處,做了媽咪後,更深深體會到做父母的難處及偉大。
「養一個小朋友真係唔容易,雖然我自己已經好幸福,但都知養兒育女難處喺邊,亦明白到點解好多家長好想做 full time Mum full time Dad;但真係做唔到,唔係唔錫個小朋友,佢哋係錫個小朋友先至努力工作,呢一點係我做咗媽咪先體驗到。」
同其他媽咪一樣, Natalie愛為女兒 Madison扮靚,但卻不會花太多錢。
「小朋友大得好快好快,所以唔會買啲好貴嘅嘢俾佢,會揀啲平靚正嘅俾佢 mix and match,或者等減價先買。」




墨爾本旅行 今個農曆新年, Natalie一家去了澳洲墨爾本度假,因當地天氣好,而且有不少活動適合小朋友玩。


Natalie除了帶 Madison到動物園看動物外,還帶她去當地的農場玩,及去摘士多啤梨。





自從有了女兒後, Natalie表示唱 K去玩的時間少了 90%,現在有女萬事足。


Madison不只性格似足媽咪,連長相也似足小時候的 Natalie。


Natalie小時候 大啲搭巴士

做過一次洗樓探訪後, Natalie每個月都會帶 Madison去做義工,令她養成習慣。
「有時我會同朋友 group埋其他 Mummy、 Daddy一齊,帶埋啲小朋友探東華三院啲老人, Christmas時就帶啲畫紙、手工材料去俾小朋友同啲老人家一齊做,例如整張聖誕卡,每兩、三個小朋友對八至十個老人家。咁做幫到自己又幫到人,我好希望個女大個會攞個心出嚟幫其他人,從小開始,等佢有身體力行嘅經驗。」
唔想女兒太離地, Natalie會帶她去公共圖書館、幫襯街邊小店、搭公共交通工具。
「同佢搭過地鐵,巴士就再等大多少少先,佢而家啱啱開始行,但都未行到兩級樓梯,又未可以自己坐定定。」




女兒每天六點起床, Natalie會跟她玩一、兩個鐘才返工,爭取親子時間。


愛笑的 Madison性格似足媽咪,是顆人見人愛的開心果。


Natalie與 Justin每個月都會將一筆錢放到女兒戶口,為她積少成多。 一定要識中文

一歲多的 Madison樂天主動性格似足媽咪,對於女兒未來的升學方向, Natalie拒做怪獸家長。
「我同老公有個共識,就係想個女學好中文,會搵間有中文但又唔使谷到啲小朋友好盡嘅,難題就係香港呢類學校唔多。」
小學讀傳統學校的 Natalie,中學轉了國際學校,之後再到美國波士頓讀大學。
「俾我揀,一定安排個女讀有中文嘅傳統學校先,不過都要睇小朋友性格;同佢返 playgroup,我留意到佢都幾鍾意同先生傾偈,應該應付到讀傳統學校,對於自理能力有一定好處。其實係咪最 top唔重要,一定要睇番佢嘅能力範圍,我唔會 push到個女咁盡。」 Natalie說。




Madison幾個月前識叫公公,曾文豪每次聽到都好冧。


父母愛旅行,故只得一歲多的 Madison,已去過法國、韓國、新加坡、澳洲等地方。


每晚睡覺之前, Natalie與 Justin會輪流為女兒講故事,培養她的閱讀習慣。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()