老公要飛來飛去,難得唔使 on duty,一家三口到淺水灣 high tea。

娛樂偵訊

現任錫囝囝 再婚何嘉莉安樂晒

贊助商連結

前英皇小花何嘉莉 06年收山同甜品太子爺黃逸璋結婚後誕下囝囝 Jean,可惜離婚收場, 14年成為單親媽咪的她依然有 market,唔夠一年,已改嫁機師老公 Gerald。帶埋囝囝展開新家庭生活,一家三囗在淺水灣 high tea,六歲大的 Jean同「 daddy」全無芥蒂。再婚的何嘉莉,安樂晒!

幫手湊仔

新世代冇包袱!何嘉莉現任老公唔介意買一送一,仲幫手湊仔,勁溫馨!小花何嘉莉進化成人母,三十六歲依然索。
下午四點,一家三口在淺水灣泳灘附近搵嘢食,最後揀了間西餐廳,坐望海位。未坐定,何嘉莉囝囝 Jean九秒九跑出門口的公園,嚇得媽咪四圍望搵仔,怕 Jean又「失踪」的 Gerald決定人盯人陪玩。




同甜品大王黃逸璋離婚唔夠一年,何嘉莉火速改嫁做機師的 Gerald。


由小花進化人母,何嘉莉身材依然 keep得好弗。


早前兩公婆撇甩囝囝去圓方 shopping,臨走前何嘉莉到 Starbucks買咖啡。


送花俾媽咪

現場所見,兩父子擒高擒低,又跑又跳, Gerald不停用手機幫囝囝影相,一家親!之後「兩父子」走去海邊吹風,相處融洽。其後,何嘉莉陪囝囝去公園玩滑梯,囝囝更突然跑去花叢,摘了朵花送俾媽咪。
開始日落,一家三口準備離場,臨走前, Jean揸機叫媽咪拎住小黃花同 daddy影合照,囝囝對「新 daddy」俾滿分。第二春何嘉莉,順風順水!




兩父子一齊坐欄杆,見到 Jean由高處跳下, Gerald望到實,但冇阻止。


六歲大的 Jean,在公園擒高擒低,超活躍。


Jean在花叢摘花送俾媽咪,見囝囝為自己做催花手,何嘉莉都呆一呆。


囝囝跳舞,「新 daddy」即刻用手機拍低。

撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()