名人動態

以酒會友 四年賠上健康 劉晨芝飲到嘔血!

贊助商連結

首個華人女歌手打入美國 Billboard流行榜頭二十位的劉晨芝, 08年由美國回港出過一張唱片後,突然轉去開夜店食肆,以酒會友四年,儲下不少名人明星捧場客;但同時賠上健康,早前更捱出病,狂嘔吐血。
身體發出警號,要節制不可再亂飲亂食的劉晨芝,又有另一番領悟,聲稱要繼續行她的演員路。

一晚飲幾支

父母在美國,在香港過年的劉晨芝一個人在家,覺得身體唔舒服嘔了好幾次,最後更吐埋血,嚇得她馬上去看急診。醫生說,幸好血的顏色唔深,並不是內出血現象。
「我一三年開始搞夜店,飲足咁多年!我本身緊張自己生意,開夜店,好多朋友捧場,加上我鍾意熱鬧,如果唔係唔會揀做飲食(在中環有韓國餐廳)、酒吧。
「朋友落到嚟,我會好開心一齊飲;最高紀錄都幾誇張,有次我生日開咗一百支香檳。每個 friend飲一啖,如果杯杯清就真係死得。」嬌小玲瓏的劉晨芝唔夠九十磅,最高紀錄一晚喝掉幾支香檳,是極限。




劉晨芝跟翟威廉傳過緋聞,二人曾經被拍到在韓國餐廳門外飲酒,攬頭攬頸表現親熱,她大讚威廉是個好男仔。


她牛一,閨密傅明憲、莊思明等特登捧蛋糕去韓國餐廳跟她慶祝。 夜店被非禮

過去幾年,在夜店目睹不少客飲大幾杯開拖打交、亦有一晚花幾十萬開酒嘅豪客;見到場面失控,便要看形勢隨時閃,不過也有走唔切的時候。
「有晚個客飲到貓晒,竟然非禮我,朋友見到即刻㩒住佢,但對方仲死撐話大家屈佢,我話可以攞 CCTV做證明,之後趕咗佢走;隔咗一陣,佢帶住班人衝入嚟,我同啲 bouncer(夜場保安)梗係阻止,唔通報警咩!第二日對方搵中間人向我道歉,話唔知發生咗咁多事。唔通捅人一刀,又話唔記得?」劉晨芝憶述。
結束夜店的生意後,前年劉晨芝再跟朋友合作開韓國餐廳,朋友來捧場,她便以韓國燒酒待客,積累四年酒精生活,終於飲出血來。




莊思明、莊思敏兩姊妹跟她合作開過時裝店,平日大時大節又或屋企有飯開,都會預她一份。





跟來自美國的側田傳過緋聞,她說跟他的家人全部認識,已經係家人關係。


韓團 4 minute在香港做完騷,也有到她的夜店捧場,其中有成員更飲到變醉貓。


14年,她有份投資的夜店 SHOW開張,除了孫耀威,就連稀客張敬軒都有去捧場。 父母反對

身體不勝負荷,時至今日,如無必要,劉晨芝不會返餐廳做生招牌。不過,還有一個原因,是最近看完電影《星聲夢裡人》後得出的想法。
「套戲刺激到我諗番起自己一直夢想做演員!其實之前突然學做生意,係因為覺得藝人好被動,想做一啲自己可以控制嘅事。」
因為父母反對,所以當年在 UCLA她只能選擇副修 Acting,其後在美國拍過一部電影,亦因為導演將她介紹給唱片公司,因而做了多年歌手。
「好感恩當時有機會,學到好多。華人女仔喺美國樂壇受歧視,出到第三張碟,唱啲比較 urban嘅 music,好多時會喺黑人 community表演!有啲黑人女仔好激動,想走埋嚟打我。」餐廳上了軌道,劉晨芝說是時候放低,將生意交給同事打理,讓自己繼續她的演員夢。




一○年,雖然留在香港發展,但主辦單位依然邀請她出席格林美頒獎禮,她當然盛裝赴會。

撰文、攝影、攝錄:娛樂組

 

, , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()