同你吟一吟

文頌嫻湯盈盈 湊腳湊女

贊助商連結

專心湊女做人妻嘅文頌嫻雖然離開娛樂圈多年,但同湯盈盈、周家蔚、姚樂怡、鍾麗淇呢班星媽黨,仲有未嫁嘅佘詩曼依然經常聚會,情如姊妹,之前傳佢老公 Jason欠債唔掂要密謀復出,一班好姊妹立即撲出,幫口澄清。

呢一日,文頌嫻帶囡囡 Jamie去數碼港睇卡通片,錢嘉樂湯盈盈亦帶埋就快滿 4歲嘅大女 Alyssa一齊去。睇完戲再去麥記開餐,湯盈盈先去排隊,文頌嫻就湊住兩個細路,同錢嘉樂分頭霸位,三大兩小,分工合作。文頌嫻同湯盈盈 friend, Jamie同細佢半年左右嘅 Alyssa亦拖晒手仔,孖公仔一樣。
人在人情在,但文頌嫻圈中人緣佳,得閒湊埋一齊湊女 share家庭樂,圈中呢類珍貴友情,其實買少見少。




文頌嫻囡囡同錢嘉樂大女 Alyssa年紀接近,兩個由細玩到大,手拖手黐到實。


麥記爆晒場,湯盈盈同文頌嫻騰咗幾轉先攞齊 order。


搵到位後,錢嘉樂兩公婆同文頌嫻輪住出去買嘢。


食完嘢,兩個阿豬媽順便去超市入埋貨先走。

撰文︰八珍

 

, , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()