臨 roll機, Chilam先搽血漿,唔使一早化定妝𣲷黐黐等埋位。

探熱針

男神 Chilam 開工好滋陰

贊助商連結

男神是怎樣煉成的?除了基因優勝過人,後天保養更加不容忽視。張智霖是人辦!孖住古天樂、阿 Sa(蔡卓妍)埋位拍邱禮濤新戲《常在你左右》,要捱夜例行公事,但化妝扮重傷,影響皮膚就事大;但得工作人員全面配合,將血流披面的妝容時間縮到最短。不用埋位時, Chilam總是「柄」埋一邊拉筋、閉目養神。識得養生, 45歲保住 baby face,事出有因。

唔係大細超

新戲《常在你左右》日前凌晨在大角咀拍撞車場面,有份埋位的張智霖和林德信,入夜後已現身片場做準備。一早化好玻璃插面妝的林德信,在現場四圍行同工作人員打牙骹,以假亂真的特技化妝,令圍觀途人忍不住說:「真定假㗎?」
凌晨十二時,刻意增磅演出的 Chilam到場,趁工作人員打燈,化妝師開始為 Chilam化了個血流披面的受傷妝,化完十分鐘左右已經可以埋位;早就化好特技妝的林德信,臨埋位前要補妝加血漿,增強效果。
撞車鏡頭拍了不夠一小時,導演收貨 cut機,三名幕後工作人員馬上上前圍住 Chilam,幫男神卸妝,跟住拜拜走得!
「 Chilam唔係有特權,只係佢係主角之一,啲通告日接夜,加上佢同班工作人員識咗好多年,所以有咁好招呼,絕對唔係大細超!」一名幕後說。
至於仲有幾場戲要拍的林德信,並不介意一臉血漿,只見他隨意挨住道具的士篤手機,表現自在。




為新片增磅的 Chilam,睇落面口多咗肉,但唔算好走樣。


導演一嗌 cut,幾位幕後人員馬上上前為 Chilam落妝。

 




Lam仔林德信一臉玻璃碎加血漿,途人行過都話似!


撞車遇上有人跌落車頂都唔夠,臨尾還要有假頭飛過,嚇死人咩!


仲有幾場戲要拍, Lam仔篤住手機等埋位。 拉筋背對白

另一日,三位主角古仔、阿 Sa同 Chilam於西貢一幢別墅開工,大批工作人員於草地 set機擺位,孭住道具證件的古天樂拎住電話密密傳語音短訊,阿 Sa同助手傾住偈,行去機位前準備埋位。
至於 Chilam,就企在欄杆旁邊閉目養神,之後又做出連串拉筋動作,其間他唸唸有詞背對白,就算未到他埋位,都冇吞泡!




Chilam柄埋一邊拉筋兼閉目養神,童顏得保,總有原因!


鐵人古天樂戲疊戲,唔使埋位,亦要忙住傳語音短訊。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()