霸氣阿三攞住支神棍同兆尊邊行邊講,車厘子(箭嘴)跟後,唔敢攝响二人中間。

同你吟一吟

兆尊買定神棍影全家福

贊助商連結

正印二廠阿三,加埋一個墟,鄧兆尊以一控三,相安無事,本事!
呢一日,兆尊又搵咗二廠同阿三陪出巡,三個人由銅鑼灣百德新街行去波斯富街,原來阿三要食么鳳鹹濕嘢。

之後兆尊帶隊行過去利園山道啲車仔檔買埋支自拍神棍,方便同三個女友自拍影「全家福」。行行吓,佢忽然停低搞支神棍,似乎係心急想試吓效果,但條街人逼人,根本冇嘢好影,兆尊又唔想收番埋支棍,都係阿三機靈,立即幫 honey攞住。
至於二廠車厘子,全程跟住跟住陪笑,繼續扮一嚿飯!




喺街邊檔揀自拍神棍,阿三意見多多,車厘子眼超超冇搭口。


兆尊心急試效果,停低攞支神棍出嚟係咁擰。


兆尊戙响么鳳外面等阿三買嘢食,買完車厘子做阿四,幫手袋住包鹹濕嘢。

撰文︰八珍

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()