next1.jpg

娛頭

征服焦慮症  5年冇外遊 黃𨥈瑩韓國陪玩 李珊珊腦瘤受控

贊助商連結

多年來厭病收埋自己,直至去年傳出患上腦瘤及在家中暈倒,外界始知李珊珊情況。經過一年時間努力,加上身邊朋友包括黃𨥈瑩、林保怡,還有晨曦太子爺周志豪鼓勵,助她積極面對病魔及克服焦慮症,接受中醫治療,跑步強身;已五年無外遊的她,上月更與黃𨥈瑩結伴去韓國旅行。
活躍不少的李珊珊,更征服了對群眾的恐懼,日前在林保怡陪同下,到中環玩歐陸嘉年華,玩離心力驚人的 Atmos Fear機動遊戲,被 360度狂 fing至披頭散髮,李珊珊一樣冇有怕,腦瘤受控,心理身體同時回勇!

有番信心

被爆有腦瘤後,深居簡出的李珊珊去年中出關,被本刊拍到與好友林保怡在赤柱敍舊,真身曝光,原來已閉關六年的她,並無走樣。
「俾人影到反而係好事!有腦瘤嘅傳聞真係令識珊珊嘅朋友都好擔心,見到佢咁精神,大家先放心啲,好多朋友都 WhatsApp或者微信問候佢,又讚佢仲好靚女,令珊珊多番自信心!」身邊密友說。
過去大半年,珊珊變得積極面對自己的健康狀況,身邊閨密包括九七年合作《鑑證實錄》的林保怡、已婚的晨曦太子爺周志豪和黃𨥈瑩,均居功不小。
「呢幾年嚟,珊珊幾乎同啲朋友斷晒聯絡,加上有焦慮症,出街去遠啲,都會感到不安有壓力,仲成日頭痛,身體好虛弱,搞到佢成日匿喺屋企唔願見人!」




晨曦太子爺周志豪與前港姐老婆鄭嘉雯一手策劃韓國遊,兩公婆和黃𨥈瑩陪珊珊掃街吃盡地道美食。


同樣港姐出身的李珊珊和黃𨥈瑩(箭嘴)雖然相差兩屆,但在 TVB時已十分投緣,近年因珊珊收埋自己才少聯絡。


上月結伴到韓國玩足六日,𨥈瑩帶珊珊去買化妝品。 睇 Big Bang

如今李珊珊不再收埋自己!今年一月中,她與黃𨥈瑩及周志豪夫婦結伴到韓國首爾六天遊,令已經五年沒有離港外遊的珊珊,邁出另一大步。
「因為焦慮症,珊珊呢幾年都冇去旅行,不過自從開始籌備賣后冠嘅事,精神有咗寄託,珊珊開始多咗同以前啲朋友聯絡,好似𨥈瑩,都係近幾個月先見番!𨥈瑩本身都喜歡低調,所以特別啱傾!
「呢次韓國旅行係志豪安排,日日由朝行到晚,又一齊睇 Big Bang演唱會,珊珊真係好開心,仲 plan緊再去旅行添!」
男仔性格的李珊珊熱愛足球,更一直是晨曦擁躉,跟球隊太子爺周志豪識了十多年,感情要好。
「珊珊同志豪好老友,乜都可以講,之前傳有個人夫揸車陪珊珊去睇醫生,嗰個咪係志豪囉!佢哋冇拍過拖,珊珊當佢自己細佬咁,同志豪老婆 Karman(鄭嘉雯)一樣咁 friend。其實唔只志豪成日陪珊珊睇醫生, Karman都係!」李珊珊密友說。




被途人認出,珊珊隔住欄杆同對方傾偈,好友善。


友人掟中公仔,在旁觀戰的珊珊表現興奮!


得林保怡鼓勵,珊珊半年前開始跑步,鍛鍊身心,令情緒大有改善。


珊珊揸機幫粉絲和林保怡影合照。


入場後,開始階段珊珊顯然比較緊張,不時撥頭髮和用手捽眼。


去到嘉年華,先同林保怡玩過山車,向下衝一刻,珊珊緊張得捉緊兩邊扶手。 驚被偷拍

去年六月,李珊珊宣布拍賣后冠,一度令人誤以為她健康出現大問題,事實上,賣后冠做慈善已是五年前的構想,但李珊珊一直冇信心去執行;直至同志豪兩公婆提起,同樣選過港姐的 Karman,對珊珊這個想法大表支持。
「 Karman○六年參加香港小姐,同陳茵媺同一屆,亦做過無綫藝員,佢同珊珊有好多共同話題,兩個好似親姊妹咁。珊珊籌備后冠拍賣,志豪同 Karman都係團隊成員,已經開過無數次會。舊年珊珊發現有人偷影屋企,心情又變得好緊張,志豪兩公婆為咗令佢放心,即刻去咗珊珊屋企住咗幾日。」
有了朋友陪伴鼓勵,李珊珊對個人健康問題,亦變得更加勇敢。除了西醫,又透過可靠的朋友介紹看中醫,雙管齊下。
「睇咗中醫一個月,珊珊已經冇再頭痛,個人精神咗好多,所以佢已經持續治療咗大半年;另外 Bowie(林保怡)就鼓勵佢做多啲運動,半年前珊珊開始跑步,但之前因為整親腳,停咗一輪,呢排又開始跑番。」




Atmos Fear不單會 360度狂轉狂 fing,更會在半空反轉停頓幾秒,少啲膽量,都應付唔到。


機動遊戲開動時,珊珊不停搖腳,有啲緊張。


林保怡唔敢玩,在下面幫珊珊影相。


雖然被 fing到披頭散髮,但珊珊玩得好開心! 走進人群

克服了焦慮症的李珊珊,日前在林保怡及其好友陪伴下,一齊走入人群中。知道她愛玩刺激機動遊戲,林保怡更提議飯後去中環歐陸嘉年華。
一行人十點幾到達中環海濱,買飛入場後,第一時間去玩過山車;排隊時有人認出李珊珊撩傾偈,她亦笑晒和陌生人傾了幾句;但對影相仍有點抗拒的她,一見人多,便戴番口罩,其間有人搵林保怡影相,她也只負責揸機。
玩完過山車,李珊珊望住離心力驚人的 Atmos Fear機動遊戲躍躍欲試,反而林保怡膽怯,最後珊珊與同行友人一齊玩,只見她被 360度左轉右轉, fing來 fing去,玩到頭髮亂飛,不停狂嗌;玩完,李珊珊更興奮到扎扎跳!
之後三人再去掟公仔,玩到凌晨十二時多,由林保怡駕車送返屋企。




去年被本刊拍到同林保怡在赤柱敍舊,其時不少人讚她 keep得好靚,珊珊開心到即在微博晒腿。


這個令珊珊愛不釋手的椰菜娃娃,是閨密 Karman所送。


去年 11月中,珊珊將衣櫃大部分運動衫清走,寓意新開始。


幾日前,珊珊放了一張化了淡妝的相片上微博,自信重現。 有心無力

96年以大熱姿態成為四料港姐冠軍的李珊珊傳腦生瘤,近幾年深居簡出。去年她突然在微博宣布拍賣價值過百萬的后冠,並將所籌得善款,全數捐予慈善機構,因而一度令外界揣測她身體情況堪虞。

宣布拍賣
去年是李珊珊成為港姐的 20周年紀念, 6月她在微博宣布義賣港姐后冠,並表示有此構思已五年,所得善款將全數捐予六間慈善機構,可惜社署未有批出籌款許可,令有心無力的她十分沮喪。

積極籌備
宣布拍賣后冠後,李珊珊積極展開籌備,邀請攝影師好友葉青霖的首徒 Martin合作,推出純影集宣傳,並在 fb開設個人賬號,直播拍賣過程,但反應只屬一般。

籌款細節
李珊珊擬在旺角行人專區進行自拍活動,每位合照人士只需捐一元,時間為朝九晚五,當日籌得的善款將是拍賣后冠的底價。

社署唔批
去年 11月,李珊珊在微博留言,指得到社會福利署回覆,籌款許可證不獲批,令籌款活動要煞停。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()