同你吟一吟
黃淑儀超市玩 live
贊助商連結
煮嘢叻,除咗身邊人口腹受惠,仲可以帶挈自己賺多啲;好似廚藝了得嘅黃淑儀,拍烹飪節目拍到去馬來西亞,又經常有機會俾啲同食有關嘅品牌請佢做代言拍廣告,剷出「錢途」。
早個禮拜,《壹》仔去咗銅鑼灣 Times Square巡場,喺 citysuper見到 GiGi姐擺檔教煲湯,幫一隻聲稱係用紫砂做嘅煮食煲曲線做宣傳。
女廚神超市玩 live做示範,唔少 C9都停落嚟聽吓乜料,有部分人仲攞住手機拍低片, GiGi姐亦有問必答,表現落力。前前後後搞咗成個鐘,收檔!
黃淑儀現場教煮嘢,吸引唔少 C9圍觀,亦有人用手機拍低過程,方便第日睇住嚟煮。
因為冇期推咗大台開拍新煮食節目嘅黃淑儀,因為向監製推薦搵李家鼎做《阿爺廚房》,帶挈對方爆紅。
撰文:八珍