阿 Lynn日前出席活動時收起事業線,仲著住條一層層嘅薄紗裙遮肚,有景轟。

同你吟一吟

熊黛林防撞有景轟

贊助商連結

早個禮拜,《壹》仔响灣仔見到郭可頌架車擺咗喺福臨門附近,隔咗陣,就見佢拖住熊黛林行嚟攞車。

唔習慣面對鏡頭嘅郭可頌見到《壹》仔,下意識鬆手放開老婆,但阿 Lynn就即刻繑番住老公。舊年十月正式成為郭太嘅阿 Lynn已經 36歲,講明婚後不設防,務求早日佗 B,早排兩公婆仲俾人見到去泰國拜四面佛話係求子。
不過之前阿 Lynn已經俾人影到去買家品,著鬆身裙口罩平底鞋,腰腹位脹脹,而呢日嘅裝束就係衞衣鬆身外套波鞋加口罩,見迎面有人行近,阿 Lynn立即提高警覺伸起手擋定先,又縮埋老公身後,以免被人撞到。
八珍係自行性幻想,但阿 Lynn好大機會已求子成功,有景轟呢。




近期外出例戴口罩著平底鞋嘅阿 Lynn,是日同老公行去攞車,其間有人行近,佢即縮响郭可頌身後,甚至舉定手準備擋,防撞意識奇高。


婚後努力造人嘅郭可頌同阿 Lynn,早排被發現去泰國拜四面佛求子。

撰文:八珍

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()