跟住呂麗君去買雪糕嘅劉秀盈, 14歲女仲坐媽咪大髀。

同你吟一吟

呂麗君 14歲大女坐大髀

贊助商連結

同劉鑾雄一齊十二年嘅呂麗君,兩個月前突然被大劉公開早喺 14年已經分手,又數埋送過啲乜乜物物,對方手上起碼有幾多身家之類……大劉公開斬倉,覆水難收!

俾大劉爆完大鑊後,就開始多咗見呂麗君同啲仔女出街,尤其係大女秀盈。再冇發球權,除咗錢,手上嘅牌就係一對仔女,亦因為兩個細路,呂博士生活上依然應有盡有。上個月,《壹》仔就見到呂麗君湊住秀盈同 6歲囝囝子鋒,喺淺水灣遊樂場玩,司機保鏢同外傭姐姐隨行侍候。
現場所見,已經 14歲大嘅劉秀盈好黐呂麗君,咁大個仲要坐媽咪大髀,兩母女又孖住去買雪糕,至於細佬子鋒就全程投入玩,喺遊樂場走來走去,玩到面仔都紅晒。
二五話呂麗君已安排好帶兩姊弟出埠避年。又係喎,反正大劉話明一對仔女要使要用嘅,佢會負責;有人認頭找數,何樂而不為。







子鋒同家姐玩到有雪糕都唔食,呂麗君見啲雪糕開始溶,惟有自己食住先。


玩到夠皮,呂麗君 call司機接,等車期間,兩母女走入鋪頭睇沙灘拖。


肥咗面色又好番晒嘅大劉,喺醫院逗留接近三個鐘,黃昏七點,扶住老婆離開。


過年前,甘比陪大劉去養和覆診,換腎後神速康復嘅大劉,已經唔使坐輪椅。

撰文:八珍

 

, , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()