娛樂偵訊

借張振朗過橋 謝東閔硬撬新咪神朱智賢

贊助商連結

憑 33C、 23、 35弗爆身材加 43吋長腿, 29歲的大台新咪神朱智賢( Ashley)仲有大把貨,成為網民「今期流行」。因為索,所以多人追,就算早有餐廳老闆男友,「巨星幫」謝東閔依然硬去馬,照追。為奪咪神,謝東閔借張振朗和女友陳芷尤過橋, double date兩啤人一齊玩,結果斷正。

有老闆男友

一三年落選港姐朱智賢,因為在旅遊節目《 3日 2夜》晒泳裝獲封大台新一代咪神!有指她與謝東閔雖分別到不同地方拍節目《天與地》外景,但宣傳密密見,已搞到男方嗒晒糖。
「閔大人(謝東閔)同『巨聲』師姐何雁詩分手之後曾經同個圈外女仔拍拖,而家佢對 Ashley(朱智賢)好有好感,就算人哋有個係中環 Lobster Central餐廳老闆之一嘅男友,佢都覺得自己有得爭,因為佢屋企環境都幾好,爹哋開髮型屋,媽咪就搞外傭介紹所,自己都喺美孚開按摩店。少爺仔性格囉!閔大人知 Ashley同張振朗,仲有佢女友 Apple(陳芷尤)熟,就搵佢哋約 Ashley去街。」知情者說。




朱智賢樣靚身材正,早前於旅遊節目《 3日 2夜》中,頻頻三點式上陣騷身材,獲封新一代咪神。


朱智賢好搏。在《天與地》要攀山涉水吊威吔,冇 say no。


謝東閔與朱智賢在《天與地》中分別去唔同地方拍攝,男方負責上雪山。


早前謝東閔與朱智賢宣傳《天與地》時密密見,增進感情。


為追到手,謝東閔永遠都爭取坐在朱智賢隔籬。


謝東閔與何雁詩 14年 11月分手後,便跟另一圈外女友發展,可惜都係快嚟快去。近日力追朱智賢,希望可以同對方的餐廳老闆男友拗手瓜。 攝位咬耳仔

月前謝東閔終於搭通天地線,約女神去中環嘉年華玩,張振朗和陳芷尤更帶埋一小女孩同行。
玩攤位遊戲時,朱智賢幫張振朗打氣,謝東閔未及上前埋身,惟有在後做癡漢,默默望住他的女神背影和幫手拎戰利品。之後行去玩另外一個攤位遊戲,謝東閔一於死跟,更把握機會攝上前跟女神咬耳仔。
據知,朱智賢和搞飲食的男友已秘密拍拖兩年,去年初餐廳開張,她更以女主人身份現身支持。雙方感情穩定,男友對做藝人的朱智賢亦十分體諒,甚至接受女友性感演出。
凡事你情我願,要硬撬朱智賢,謝東閔冇咁易!




早前謝東閔借意陪張振朗及女友 Apple陳芷尤去中環嘉年華,乘機約埋大台新咪神朱智賢,兩 pair人去玩。


玩掟公仔攤位時因為人太多,謝東閔企喺朱智賢身後護駕。


終於人少啲,謝東閔即把握時間上前撩朱智賢咬耳仔。


趁張振朗嗰啤行開,謝東閔有機會死跟做兵,幫女神拎戰利品。


張振朗與女友 Apple同行還帶住一個小朋友,儼如一家三口。一直抱住小孩的 Apple甚有良母潛質。

撰文、攝影、攝錄:娛樂組

 

, , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()