伊健同 Yoyo結婚四周年,二人例牌重遊東京慶祝。

娛樂偵訊

結婚 4周年紀念 鄭伊健重遊日本玩浪漫

贊助商連結

鄭伊健蒙嘉慧轉眼已結婚
四年!為慶祝 1.28結婚周年
紀念,伊健一早請定長假, plan好同老婆出發去日本,重遊舊地玩浪漫。
東京加福岡,旅程長達半個月。落機當日,面燶燶的「麵嫂」
玩到謝晒皮,生人勿近!

由頭到腳情侶裝

一三年初,鄭伊健同 Yoyo蒙嘉慧在東京一間古堡餐廳低調閃婚,獲邀出席見證的數十位親戚老友,全部拉鏈嘴守秘。自此,每年一月,兩公婆例必重遊東京,慶祝結婚周年紀念,今年如是。
「伊健點都會唧到幾日,每年一月同老婆去東京,仲會 book番結婚嗰間餐廳食飯。今年紀念日撞正年初一,要留喺香港同屋企人過,所以佢哋專登提早出發。」伊健身邊人說。
玩足兩個星期的伊健同 Yoyo搭夜機返港。兩公婆由頭到腳襯到絕,黑衫、黑褲、黑鞋,再加一色一樣的情侶背囊。
今個 trip,鄭生鄭太好忍得手,回程時一人一個喼,加一個旅行袋,一箱生果,好輕便。




見到鏡頭 Yoyo黑晒面,伊健無奈笑晒,急步追住老婆。





兩公婆黑衫、黑褲、黑鞋,加埋一色一樣背囊,襯到絕。


去到日本大解放, Yoyo在微博分享美食。 零妝面青青

一出閘,記者上前同 Yoyo打招呼,不過冇化妝面青青的麵嫂黑晒面零反應,一支箭向前衝。
尾隨的伊健就叉足電,好精神。問他慶祝結婚周年旅行如何?伊健有回應,有禮貌。「普通旅行啫!(去咗邊啲地方呀?) OK啦!唔該晒!」
見 Yoyo一團火般疾走,勢色唔對,伊健都加快腳步,追住老婆。
行到停車場, Yoyo第一時間上車,搬行李粗重工夫,留番俾伊健搞掂!




一三年一月,伊健同 Yoyo在東京註冊結婚。


唔鍾意亦唔打算生小朋友的 Yoyo,早前同友人到寓所附近的 cafe外賣咖啡。


嫁人之後, Yoyo收山做師奶仔,平日負責買餸煮飯。


靠「古惑佬」巡唱,伊健近年搵唔少。

撰文、攝影、攝錄:娛樂組

 

, , , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()