探熱針

兌現箍煲期票 林子善找數 雞年做老襯

贊助商連結

去年初,林子善同拍拖 5年的圈外女友 Kary分手,分開方知衰咗,加上被契妹唐詩詠點醒,即刻開 turbo求復合。箍煲成功,林子善對女友開定必娶期票!雞年兌現,林子善準備年中註冊結婚。恭喜!恭喜!

註冊擺酒分兩年搞

林子善同女友 Kary拍拖近六年,雖然去年情海翻波,但復合後更懂得珍惜對方。
六年情因為「前途問題」變成壓力而一度分手;但本刊早前見兩人十指緊扣由銅鑼灣行去天后,密不可分。
有此一日,全靠唐詩詠當頭棒喝,令林子善出力將女友箍回身邊,並開出結婚期票表誠意。
據了解,林子善因為聽從蓮花宮一位師傅指點,要等到二○一八年才可擺喜酒,但為讓女友心安,他決定「偷步」,先註冊簽字。
「子善同 Kary定咗今年中或者年底註冊,到時會出埠影婚紗相,不過地點仲未定好,但應該離唔開陽光與海灘。擺酒就會聽師傅話,暫定一八年頭。」知情者說。




早排兩個甜蜜蜜,拖到實行街,好事近,行步路都心情靚過人。





子善同女友都是一身古銅膚色,所以婚紗相都想在陽光與海灘的環境拍攝。


婚照騷肌性感過新娘


近年操到六嚿腹肌的子善,唔想嘥料,打算影輯晒肌婚照,分分鐘性感過新娘。 要性感過新娘

在出街劇集《乘勝狙擊》中飾演做打手的林子善,為影騷肌婚紗相,近期已開始 keep住操!
「難得佢為咗拍劇操到六嚿腹肌咁型仔,當然要 keep住唔好六合一,子善諗好咗喺陽光海灘影輯肌肉婚照,夠破格兼分分鐘性感過老婆。」知情者說。




好在多得老友唐詩穎點醒,子善發力箍番個女友返嚟,好好珍惜。


結婚,請飲點少得《城寨英雄》班演員,「牙佬」袁偉豪主動要求做戥穿石。


做過 DJ的他,唔知到時婚宴會唔會親自上陣打碟助興。


兄弟結婚,黃長興好緊張,幫子善張羅酒席。

撰文、攝影、攝錄:娛樂組

 

, , , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()