鍾淑慧見到老公喺《巨輪 II》演出成功,佢自己都戲癮大發,密謀復出。

探熱針

老公吳岱融姦出位  52歲白滑鍾淑慧買透視裙

贊助商連結

憑《巨輪 II》姦出位的鷲哥吳岱融,鹹魚翻生,一口氣接了五部電影,就連老婆鍾淑慧,亦被重溫曾夫妻檔拍三級片。
老公奸得嚟型英帥,難得 52歲鍾淑慧亦唔失禮,皮膚白滑零皺紋,保養得宜。食住老公個勢,近月狂跑內地騷賺人仔,更密謀復出拍劇。

貼地睇平衫

八七年環球小姐香港區冠軍出身的鍾淑慧,因老公吳岱融再度受人關注外,亦帶挈她在內地狂接騷,甚至被𢱑復出。
吳岱融忙拍電影,鍾淑慧反而偷閒約友人行街。在又一城的 Apple Store買手機配件,鍾淑慧同個朋友捉住 sales問完又問,搞了大約半個鐘,終於有收穫,買了部外置充電器,仲要即拆即用。
手機不可缺電,女人唔買衫買化妝品就假!不過鍾淑慧好貼地,揀去 H&M睇衫,對其中一條黑色透視裙表現好有興趣,攞上手睇完又睇。雖然已經五十二歲,但以她身形苗條,皮膚睇落又白又滑,絕對有本錢著透視裝。




鍾淑慧以選「環球小姐」香港區選拔賽,而加入娛樂圈。


當年吳岱融同鍾淑慧夫妻檔拍三級片,兩人都有全裸大膽演出。


以前鍾淑慧都拍過唔少性感相騷身材,目前的鍾淑慧同當年都差不多, keep得唔錯。


鍾淑慧專注揀衫,但佢對呢條黑色透視裙情有獨鍾。


鍾淑慧同朋友先去 Apple買「尿袋」,再去揀唇膏,而且隻隻色都畫上手試色。 提起老公冧晒

睇完衫再去掃化妝品,鍾淑慧主攻唇膏,攞起試用品畫上手睇顏色,除了色澤,她更注重唇膏的成分,睇住個盒研究好一陣,才扑槌買了兩支。
離開時,記者上前訪問,太耐冇面對傳媒,一見記者埋身,鍾淑慧表現得有點緊張,對是否復出拍戲,她說:「我隨時都想!」
之後提到老公吳岱融,鍾淑慧更加成個冧晒,仲忍唔住掩嘴偷笑,「佢喺大陸拍緊戲,所以我先有時間出嚟!佢好忙呀,有成四、五部戲喺手,我就一路喺大陸做嘢!」擁有家庭和事業,一臉滿足的鍾淑慧說。




結婚 21年,雖然中間出現過危機,但目前兩人非常恩愛。


一提起老公,鍾淑慧即刻笑得好冧。


因為姦完陳凱琳,吳岱融片約不斷。


吳岱融同鍾淑慧所生的囝囝,今年已經廿歲,目前在新加坡讀書。

撰文、攝影、攝錄:娛樂組

 

, , , , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()