信佛多年的 Kelly,年尾還神是每年的指定動作。

探熱針

雞年願望 傅嘉莉同是非分手

贊助商連結

娛樂圈是非圈,傅嘉莉( Kelly)出道 12年,一直是非纏身。
15年, Kelly唔做 model賣身無綫,即獲重用,劇接劇冇停手。最近孭飛的兩套劇集孖住播,即有是非新聞「贈興」,將陪富豪出埠,收名車的舊聞再重溫一次。臨近歲晚, Kelly專登抽時間去拜觀音,祈求來年遠離是非。

爭取唱主題曲

一四年以部頭形式接拍大台劇集《愛我請留言》,傅嘉莉做第二女主角,飾演大陸妺「皎妃」一角,被一致好評。網民觀眾受落, Kelly決定放棄做 model,賣身無綫做親生女,正式登陸大台。
時勢做英雄,無綫花旦買少見少, Kelly機會不斷。唔夠兩年,已經拍了五套劇,話咁快升呢做女一;最近出街的八點半賀歲劇《財神駕到》和九點半的《乘勝狙擊》,兩套孭飛劇孖住播。
「公司啲監製都好鍾意用 Kelly,覺得佢夠搏夠投入。其實佢好有興趣做打女,所以一得閒就去跟教練打 boxing,做 gym;另外仲學緊唱歌, Kelly想試吓唱主題曲,總之未做過嘅都想搵機會試。」一名無綫人說。




Kelly誠心上香,口中唸唸有詞。





見到婆婆搬紙皮箱, Kelly落手落腳幫手。


拜完神, Kelly篤住電話離開。 翻舊賬贈興

經常被爆生財有道,收入同支出唔成正比的 Kelly,最近又一次被翻舊賬,指她收富豪名車,又陪對方去泰國。
「嗰啲所謂『新聞』早就俾人寫過,但呢輪佢有劇上,又俾雜誌再寫多次話佢陪富豪去曼谷旅行,其實嗰次都係佢有個好姊妹結婚,去曼谷係 pre wedding party, Kelly有份做搞手。」
要忙於為兩套孭飛劇跑宣傳,又要應付沒完沒了的是非,歲晚收爐前, Kelly決定抽時間去紅磡觀音廟參拜。




兩套劇打孖上,密做宣傳的 Kelly,曝光率高企。


同朋友去嘉年華玩「掟波波」,贏到公仔, Kelly興奮大叫。


定期齋戒靈修

上週六(一月十四日),在筲箕灣出席完新劇《財神駕到》活動後, Kelly隨即趕往髮型屋轉妝換衫,再直去紅磡觀音廟。
到埗後,先到附近的鋪頭買香燭,同店員好好傾的她,明顯去慣去熟。
年尾多人還神拜神,觀音廟內人頭湧湧, Kelly左穿右插,搵個靚位,誠心上香,唸唸有詞接近廿分鐘才離開。
「 Kelly信佛好多年,有時仲會閉關做靈修同食齋;佢話靜修同食素會好幫到自己,對精神同健康兩方面都有用。都啱嘅,成日惹埋咁多是非,係要搵啲位靜吓。」 Kelly身邊人說。




八點半的賀歲劇《財神駕到》和九點半的《乘勝狙擊》,孭飛劇打孖上,獲公司力捧。





聖誕節, Kelly同媽咪、細佬遊日本,專程到淺草寺拜神。


去年十月, Kelly為好姊妹去泰國搞 pre-wedding party,結果又惹來「伴遊」傳聞。


上週, Kelly真空上陣出席電影公司周年晚宴,噴血! 是非纏身

現年三十二歲的傅嘉莉,模特兒出身,入行多年, 13年以部頭約接拍無綫劇《衝上雲霄 II》飾演咖啡妹而為人所認識。 14年,首度擔任第二女主角,拍無綫劇《愛我請留言》飾演皎妃一角,開始走紅。翌年簽約無綫,成為親生女後, Kelly接拍《張保仔》飾演夏蟬一角,獲網友盛讚搶戲過女一陳凱琳。之後更一劇接一劇,近期上映的賀歲劇《財神駕到》更擔正女一,大受無綫力捧。演技被肯定,但 Kelly即被緋聞纏身。 14年, Kelly拍《張保仔》時,被指向「貝勒爺」陳展鵬放電,又經常被翻舊賬,指她被富商包養,離奇暴富。其實 Kelly做 model超過 10年,又經常與家人合資買磚頭,儲埋唔少!




《張保仔》


《衝上雲霄 II》

撰文、攝影、攝錄:娛樂組

 

, , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()