娛樂偵訊

等足四季 克勤阿 Lam幫口 王祖藍成功舉薦杜麗莎登陸《歌手 5》

贊助商連結

宇宙 G.E.M.憑《我是歌手 2》(現易名為《歌手》)紅爆大陸後,古巨基、李克勤和容祖兒都先後參與節目演出,至於第五季有份出戰的杜麗莎,雖然是唱得之人,但登陸《歌手》舞台過程艱巨,王祖藍、李克勤和林子祥均曾為她出盡牙力。
機會來了,早前《歌手》監製洪濤來港,終有機會一睹杜麗莎唱 live功力,更決定開綠燈,讓她硬撼林憶蓮,師徒對決。

唔夠人氣

出戰《歌手 5》的過江龍除了林憶蓮,還有歌齡超過四十年的杜麗莎。據了解,她在今個二十一日播出的首集已開腔,更力壓同場對手,技驚四座。
簽了杜麗莎的王祖藍,對她可以出征《歌手 5》,更加功不可沒。「祖藍跟過 Teresa學歌唱,佢一直想內地人知道老師係幾咁唱得,早响第一季已經向洪濤推薦 Teresa,但可能佢喺內地人氣唔夠,所以推咗。其實唔只祖藍,克勤同阿 Lam都有向製作單位 sell過 Teresa。直到舊年兩師徒喺《跨界歌王》合唱,令洪濤留有印象,後來祖藍知道監製嚟咗香港,機不可失,即刻安排他出席一個 Teresa唱 live的活動。」知情者說。




李克勤同容祖兒上過《歌手 4》,前者雖做梗頸四,但在內地爆紅賺唔停,還落力推薦前輩杜麗莎,抓緊內地機會。


早前《歌手 5》監製洪濤來港,仲抽空聽吓杜麗莎唱歌。見佢豎起手指,就知對佢唱功寫個服字。


當年出道杜麗莎同阿 Lam傳過緋聞,今日呢個「舊情人」有份力薦她上內地節目。 師徒互片

杜麗莎唱服洪濤的演出,其實是她紀念母親逝世一周年的私人聚會。
「 Teresa搞咗個小型私人 party紀念媽咪,出席嘅都係至親同朋友。 Teresa答應返內地演出錢其次,佢覺得內地多高手,可以重燃自己對舞台嘅熱誠。而佢媽媽係上海人,佢覺得返內地唱歌,會令亡母好安慰。」
由第一季等到第五季,錯有錯着,造就杜麗莎和林憶蓮師徒對決。
「其實憶蓮係 Teresa第一個學生,八十年代已經跟佢學唱歌,如今師徒互片,都係一個賣點。」知情者說。




林憶蓮是杜麗莎首個教授學生,今次師徒同台,真係邊個贏都有話題。


原本今屆多香港歌手參與,可惜張敬軒經歷紅•綠•紅燈,錄咗首集還是被 out。


王祖藍由杜麗莎的學生,變為今日佢嘅老闆,簽老師為旗下,與徐子珊、鄧萃雯及羅琳等同獲重視。 鑽研蔬果汁


近年杜麗莎埋首鑽研蔬菜汁。

生於音樂世家的杜麗莎,父親 Fernando Carpio為六、七十年代爵士樂鼓手,堂妹是韋綺姍。成名於七十年代的杜麗莎,先後移民到美國及加拿大,回流後,她轉做歌唱導師,主力培育後輩,學生有林憶蓮、鄭秀文、許志安、關心妍、薛凱琪及梁詠琪等。近年杜麗莎又埋首鑽研健康蔬果汁,在朋友圈開心 share。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()