探熱針

杜之克以舊帶新 宣萱入局幫拖谷麥明詩

贊助商連結

去年大台人事變動後,以為可以一統天下的曾勵珍遭遇滑鐵盧,主力邵氏的樂大媽基本上已被移除,三分天下,珍姐同余詠珊各據山頭外,新揸弗人助理總經理杜之克亦自組班底,搵舊人宣萱、林文龍回巢力撐外,亦招攬十優港姐麥明詩,一年三套劇一部戲力谷,策略係:以舊帶新。

話喊就喊

去年底為電視劇《使徒行者 2》中、港兩邊走的麥明詩,日前拖喼出現圓方,準備坐直通巴出發北上;見未夠鐘上車,於是到商場內的便利店再補倉,早有目標的她揀了幾樣日用品,即俾錢走人。
上深圳開工,冇助手同行的麥明詩變身大力士,一手拎喼上落樓梯,箭步到車站上中港大巴返內地。
「 Louisa(麥明詩)拍完《賭城群英會》緊接就埋位拍《使徒行者 2》,因為杜生(杜之克)睇咗《賭城》啲片,發現佢做戲唔似一般新人咁生硬,戲入面佢同 Dominic(何浩文)做夫妻,好多場感情戲都唔使眼藥水,話喊就喊。
「其實好多選美出身嘅女仔,因為要顧住個樣,所以做戲會就住晒,驚自己唔靚,但 Louisa冇呢方面嘅弊病,所以杜生覺得佢有 potential,力薦佢俾《使徒 2》監製。嚟緊公司部大製作《跨世代》, Louisa都有份,雖然戲份唔算多,但都係一個機會。」一名無綫人說。
有指杜之克睇完《賭城》後,曾在王晶面前大讚麥明詩,因此間接促成她有機會接拍處女電影《失戀日》。
「係王晶提議葉念琛用 Louisa,佢自己亦講明造型方面可以點玩都得,因為佢喺戲入面做一個好癲喪嘅女仔。」




林文龍、宣萱在《不懂撒嬌的女人》孭重飛,反而親生仔女戲份不及二人。


宣萱跟陳豪在《使徒行者 2》合演情侶,都算新組合,唔係熟口熟面。


林文龍跟宣萱自從成為大台自己友後,早前更被邀成為頒獎嘉賓,地位升級。


在《失戀日》話喊就喊,懶理有牌靚女名銜。


返內地開工,在萬寧入貨後,麥明詩急步拎喼行去車站坐中港巴士。





貴貴都值

以「優化」為大前提,杜之克插手曾勵珍揸弗的戲劇組,力谷麥明詩外,又將離巢多年的宣萱及林文龍收歸自己馬房。
「宣萱同林文龍拍完《不懂撒嬌的女人》後,杜之克又即刻搵宣萱拍《使徒 2》,仲要孭正女一,佢同林文龍都唔平,要幾萬蚊一集,不過老闆都識計數,賣到埠又可以墊起公司啲新人,貴都值嘅!」一名無綫人說。




一個人搭大巴返深圳開工,麥明詩連助手都冇。


麥明詩拍完《賭城群英會》即被杜之克睇中推薦俾其他監製。


麥明詩跟鄧麗欣拍完《失戀日》,又即入組同周柏豪合作《使徒行者 2》,好旺場。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()