除夕當晚,洗米嫂 Heidi為創立的時裝網站「 Ladycode」搞 party,成班 friend嚟撐場。當晚著住 Dorian Ho晚裝,身上行頭好勁。

名人動態

堅持靠自己 洗米嫂搞時裝 親身上陣做 model

贊助商連結

2016過去!已決定斬纜離婚的洗米嫂 Heidi,縱然老公送樓送鋪努力箍煲,但卻無法令她動搖。選擇單身,洗米嫂靠自己賺錢,自在!
去年發力從商的她,最近又有新搞作,開高級時裝訂製網站「 Ladycode」,更親自上陣做生招牌;下一步,還會開埋花店, 2017年,多搞作。

搞時裝早有經驗

早前陪住 Heidi和家人去馬爾代夫過聖誕的洗米華,除夕夜要向另一廠交人,冇蒲頭!冇伴一身輕,洗米嫂索性借機為有份揸 fit的時裝網站搞開幕 party,風騷滿場飛。
搞時裝,可謂開正 Heidi嗰瓣。生咗兩個仍 keep得到的她,做埋 model影宣傳相,十分投入。
「 Heidi冇做保險之後就開時裝店,雖然細細間,但佢好有眼光,揀啲貨好啱啲客心水,所以儲落好多熟客。後來洗米華賭場生意愈做愈順,佢聽老公話先唔再做,專心湊女做少奶奶。」知情者說。




做生招牌的 Heidi,著住自己網站的訂製晚裝影宣傳相,夠晒號召力。


其網站訂製的時裝,由數千至幾萬元不等。


當晚 model著住行騷嘅訂製西裝, Heidi都有著,型格味道絕不遜於 model。


瓣數多開埋花店

看透婚姻,將重心放到個人事業的 Heidi,與陳山聰大嫂李碧君合夥開公關公司及健康果汁店外,還有食肆和美容院生意。新一年新開始,成立時裝網站的同時,開花店計劃亦在籌劃中,另外,又入股她曾經接受訪問並罕有講家事的生活雜誌《高峰傲》。
百足咁多爪,但要湊女的 Heidi不時親自落場,鐵人一樣。




雖與洗米華離婚,但 Heidi跟他的關係依然密切,男方亦不時現身家庭活動。老爺更視她如女兒看待,周家上下都撐她。


陪住細女羨童開 party,母女裝上陣。


生咗兩個女,仲 keep到索身材嘅 Heidi,擺甫士都好專業。


百足咁多爪前年跟陳山聰大嫂李碧君開公關公司, Heidi老友鄺美雲來撐場。


向來對衣著講究的 Heidi,當晚上台致辭時話:「我覺得衣不稱身比唔時尚更加可怕。」講出有要求嘅女人心聲。


賣健康果汁, Heidi又係親自上陣拍宣傳片。


貪靚嘅佢,當然開埋美容院。


去年上環開餐廳,發現 Heidi午市巡鋪,仲親自招呼客人。

撰文、攝影、攝錄:娛樂組

 

, , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()