娛樂偵訊

甩拖分手半年 衞詩雅接受圈中人追求

贊助商連結

突然宣布與拍拖三年圈外男友分手的衞詩雅( Michelle),已搬返父母屋企住。一直抗拒與圈中人拍拖的她,更忽然改變態度:「都可以試吓嘅!」近水樓台,好易中!

價值觀不同

今年衞詩雅過了一個單身聖誕節,不過撞正當日要開工,有沒有男友都沒分別。
「分手係雙方決定,有啲唔係好夾到嘅地方,大家價值觀唔同,咁不如分開吓啦。分咗手一段時間,我自己都仲喺復元期,想以工作為先。好彩都多 job,都冇時間去諗呢樣嘢。」衞詩雅說。
決定放下這段感情後,剛滿三十二歲的衞詩雅想專心發展事業。
「而家嘅我絕對揀工作行先,事業俾我嘅滿足感已大過愛情,拍拖都唔夠我拍到一部自己鍾意嘅電影咁開心。」
入行八年,衞詩雅一直抗拒與圈內人拍拖,但經今次分手,她開始改變想法。
「而家開始會覺得咩嘢都可以試吓,最緊要啱囉!我又唔係太心急,因為做呢行有好大個藉口,當有人問可以講自己正值事業搏殺期,好多原因可以影響自己唔想拍拖。」




第二次與張繼聰合作, Michelle表示對方是個很好的演員,合作愉快。


在《告別之前》一片中飾演人母的 Michelle,與小女孩有不少對手戲。 為咗張繼聰

這陣子,衞詩雅正忙為王祖藍做出品人、趙敬皓( King)有份投資的電影《告別之前》開工。「今次做張繼聰太太,仲有個患咗絕症嘅五歲女,套戲比較沉重,對我嚟講,個角色屬於有難度,喺聖誕節開工,覺得成個聖誕都係黑色;加上睇咗好多紀錄片,兒童患癌嘅真實 case,搞到情緒低落。」
之所以決定接這部電影,最大原因原來是張繼聰。
「我第一次同佢合作係做喜劇,佢不斷發揮佢嘅搞笑本能,我就不斷忍笑。今次接呢部戲,好大原因亦係因為佢,我想睇吓張繼聰喺冇得搞笑嘅情況下,可以點樣做。」




與男友分手後, Michelle搬離同居愛巢,並搬返與家人同住,享受天倫樂。


Michelle於去年拍了五部電影,在《暗色天堂》及《小手牽大手》中獲益良多。


英皇娛樂老闆楊受成對 Michelle很好,經常給她演大片的機會。 一年五部多產

港產電影冇肉食,肯投資的老闆亦有限數,衞詩雅逆水行舟,但慶幸是有不少機會。
「我都同人話自己真係好幸運,計起上嚟真係戲接戲,今年拍咗五部,除咗運氣,亦因為開始有導演相信我,有更多唔同角色俾我去嘗試。其實我呢個年齡層同呢類型嘅香港女演員比較少,某類角色就會考慮用我,不過成日做人女朋友、老婆角色,我都想做啲其他嘅,唔好成日係被害者。」衞詩雅說。




入行八年, Michelle一直努力磨練演技,希望有一日能拍到一部代表作。


去年, Michelle在四川參加真人節目《怒放霸王花》,其間曾跌落冰河,差點喪命。

撰文、攝影、攝錄:娛樂組

 

, , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()