早前千嬅同余文樂在中環摩天輪拍求婚戲, high爆的余文樂粗口橫飛。

娛樂偵訊

先睹為快 春嬌救志明 余文樂爆粗求婚

贊助商連結

彭浩翔執導,楊千嬅、余文樂主演的電影「志明春嬌」系列,拍到第三集《春嬌救志明》,二人終於開花結果!
日前劇組在中環摩天輪取景,拍攝志明向春嬌求婚戲,現場除了搭建了一個舞台,更動用超過五十名臨記;戴上假髮的余文樂,變身「小雙俠」唱粗口歌,向扮「女版小雙俠」的春嬌求婚場面,先睹為快!

興奮爆粗

導演彭浩翔一早劇透,今集志明同春嬌要面臨「七年之癢」鬧分手的重大考驗,不過最終都大團圓結局。
拍求婚重頭戲當晚,除了兩位男女主角,還有一班著晒 cos-play衫的演員現身中環摩天輪埋位,其中包括扮「 MJ」的谷祖琳、扮「月野兔」的 Brenda、扮巫婆的「腿張開」陳逸寧。
人齊後,換了戲服的余文樂未拍先 high,跳上劇組臨時搭建的舞台上,同現場 live band jam歌,其間仲不停爆粗,惹來唔少市民圍觀,歡呼起哄。愈唱愈 high,余文樂開始語無倫次:「識嘢呀你!呢個係真喎,頭先嗰啲全×部都係假!」
之後余文樂見有觀眾舉起手機,即刻大嗌:「喂!你哋唔好拍呀,放上網我殺人㗎!」




當晚笠住假髮的余文樂,扮「小雙俠」向千嬅求婚。


一埋位,千嬅馬上交戲,兩行眼淚係咁流。


導演彭浩翔劇透,志明同春嬌面臨「七年之癢」鬧分手。 要睇貓紙

等到千嬅埋位,余文樂情深款款對住千嬅唱「求婚歌」,歌詞大玩粗口諧音:「余春嬌,打×(救)張志明,打×(救)咗佢整個生命……余春嬌請嫁俾志明,下半世請交俾志明,變小雙俠,才能夠喺地球維持和平。」
因為未背熟歌詞,多次甩嘴的余文樂又上身:「我唔×記得咗!」,又催促工作人員快手啲舉貓紙提示:「快啲啦!大字報!」
余文樂唱到 fing晒頭,愈唱愈肉緊,台下的千嬅一樣交足戲,流住兩行眼淚,要助手遞紙巾。
一幕玩嘢求婚,兩 take搞掂,收工!




現場有 live band助陣,千嬅技癢玩埋一份。


見到附近有圍觀 fans舉機,自 high的余文樂立即大嗌:放上網我殺人㗎!


上月大隊飛台灣取景,余文樂自爆同千嬅有激烈床戲。


為咗新戲,千嬅專程去學空中瑜伽。

撰文、攝影、攝錄:娛樂組

 

, , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()