李家鼎打得又煮得,《阿爺廚房》令他人氣急升,去街市買餸被狂集郵。

探熱針

頂替徒弟做節目爆紅 揭黃淑儀秘跟李家鼎學廚

贊助商連結

大台節目《阿爺廚房》出街後, 71歲的李家鼎被揭是隱世廚神而爆紅,事實上,不少圈中人早知廚神存在,包括神枱級的黃淑儀,也是他的哎吔徒弟;李家鼎拍飲食節目,原來也是由她大力推薦。

一抱之緣

李家鼎放下硬漢形象,拎起鑊鏟,一樣有大師傅風範,實在跌爛唔少眼鏡!更估唔到的是,不論中國傳統文化,到博大精深的中華廚藝,他都甚有研究,連視界「廚神」黃淑儀,也是他的徒弟。
「 GiGi姐(黃淑儀)同鼎爺識咗好耐,七十年代拍《書劍恩仇錄》, GiGi姐做李沅芷,鼎爺就做言伯乾兼武指;當時 GiGi姐同做霍青桐嘅汪阿姐拍對打戲,阿姐一劍劈過嚟,插正佢左眼眉頭狂標血,鼎爺一手將 GiGi姐抱起,叫人飛車送去浸會醫院,之後兩個就開始熟絡。
「 GiGi姐知道鼎爺爸爸以前係酒樓老闆,訓練到佢都煮嘢好叻,好多年前就跟佢學廚,叫鼎爺做師父。鼎爺都有讚過 GiGi姐廚藝比佢好,但有好多下廚秘訣,其實都係鼎爺教嘅!」知情人說。




黃淑儀部分廚藝師承鼎爺,更推薦師傅拍《阿爺廚房》。


鼎爺刀功了得,連教烹飪數十年的方太方任利莎也大讚他廚藝出色。 半信半疑

據了解,無綫原本邀請黃淑儀再拍飲食節目,但她沒有時間,於是大力推薦師傅李家鼎。
「 GiGi姐叫我哋搵鼎爺嗰陣,大家都以為佢講笑,但佢拍晒心口,話一定有驚喜,仲大讚鼎爺功力深厚。監製初時都半信半疑,直至同鼎爺傾過就知對方有料到,拍攝期間,鼎爺俾咗唔少意見,而家出街反應咁好,除咗鼎爺功勞,監製都要多謝 GiGi姐。」工作人員說。




街市阿姐豎起拇指,大讚鼎爺的廚藝。


鼎爺的 fans有男有女,紛紛想埋身問「功課」。 嶺南校董父

表面是一個老粗,實際上,李家鼎是個正宗西關大少。祖父是廣州大商家,父親李卓雲是西關大地主兼酒樓老闆,同時也是廣州嶺南學校的校董,書香世代。走難來港後,家道開始中落,但大戶人家出身的李家鼎幼承庭訓,出口成文。
「鼎爺見識多,又鍾意幫人,之前張繼聰拍《收規華》,都有同佢請教舊時廣州啲俚語,話佢係圈中活字典,冇錯!」一名無綫人說。




做咗爺爺,抱住孫仔的鼎爺,露出難得一見的慈祥笑容。


黃淑儀和鼎爺因為《書劍恩仇錄》而結緣,當年此劇陣容強勁。 排隊黐餐

八歲學廚,只為滿足嘴刁的父親,每次李父跟大廚研究完新菜式,就會回家叫鼎爺照做。因從不獲父親稱讚,令好勝的鼎爺不斷努力求突破,最終練成一手好廚藝;不過本身不喜歡在廚房工作的他,七十年代獲師兄邀到澳洲為領事做廚師,鼎爺也一口拒絕。
李家鼎的廚藝譽滿圈中,節目出街後,更加有不少圈中人想排隊去鼎爺屋企黐餐;連去街市買餸,都被師奶圍住問「功課」,廚神之外,還稱得上是「爺神」!




雖然跟施明離婚多年,但鼎爺跟兩個仔感情不錯,跟細仔李泳豪尤其多見面。


鼎爺愛幫後輩,曾指點張繼聰舊時的廣州俚語。


鼎爺跟女友拍拖多年,感情穩定,對方有米又就得人,二人相處愉快,黃昏戀更獲鼎爺兩個兒子接受。


鼎爺 18歲拜師習武, 20歲做龍虎武師,以前專做四哥謝賢的替身。


在無綫工作超過 40年的鼎爺,最憎聽到人講自己被無綫浪費青春。他說:「就算唔係打無綫工,你啲青春都一樣會溜走,所以千祈唔好為自己搵藉口。」 估佢唔到

71歲的李家鼎最近被發現是烹飪高手外,其實還有唔少「估佢唔到」的事,教過蒙嘉慧、陳慧琳、江若琳馬術的他,更在比賽攞超過二百多個獎,好威水。



二百多個獎
因為家道中落,被迫做龍虎武師養家的鼎爺,每次出糧就會用薪水學騎馬,正式拜師學騎術後,更四出參加比賽,多年來在國際賽中贏超過二百多個獎項。



呂良偉伯樂
當年呂良偉在訓練班畢業,無綫未有跟他以及同期的陳玉蓮簽約,鼎爺知道後,第一時間出頭,為在訓練班表現出色的呂良偉爭取,令他有得留低,更憑電視劇《上海灘》一炮而紅。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()