陳曼娜笑言女婿食飯總愛叫埋她,當晚體貼的 Dicky先行埋單,然後才離開去傾生意。

娛樂偵訊

女婿出軌鬧劇 陳曼娜撐壞事變好事:患難見真情!

贊助商連結

被陳曼娜激讚值「 101分」的女婿蔡朝旭( Dicky),婚後一星期流出床照,被爆跟「前度」金若希仍有來往。事後金若希承認設局誣衊對方,鬧劇極速完結。日前陳曼娜跟女兒鄭祖兒( Joie)及女婿三人行食飯,新外母更力撐壞事變好事:「可以促進感情!」愛屋及烏,冇得彈!

經一事長一智

圈中富婆陳曼娜錫女亦錫埋女婿,上月做新外母時,大讚女婿 Dicky好仔,更大手筆送七百萬嫁妝,當中包括價值四百多萬的法拉利辣跑。
但新婚一星期就發生鬧劇,還要陳曼娜出手拆彈,在女婿的遊艇開記者會時,她雖然表示百分百信任 Dicky,但又戥乖女不值,心情複雜。
雨過天青,陳曼娜日前相約女兒女婿食日本菜,並首次三人行接受訪問。陳曼娜說, Joie和 Dicky兩公婆對她非常有心,經常三人行食飯,「佢哋冇我食唔落飯!」
經歷一場風波後,陳曼娜依然力撐女婿。
「佢( Dicky)終於知道世途險惡,不過咁樣都好,可以促進佢哋感情,更加珍惜對方,感情反而大躍進。我個女唔係好識中文(在英國讀書),佢都話依家同老公感情係更上一層樓。患難見真情,愛裡沒恐懼嘛!」陳曼娜說。




陳曼娜出手替女婿拆彈,在遊艇上開記招外,又預備了貴價日本提子及果汁款待記者。


女兒出嫁,她大手筆送金器及法拉利,共值七百萬。


Dicky跟 Joie婚宴後一星期就發生鬧劇。


早已生活無憂的陳曼娜,近十年愛上跳拉丁舞,且 keep得一副好身材。 常收神秘禮物

有外母諒解,之前同老婆去瑞士、法國旅行,亦帶埋陳曼娜去的 Dicky,因為知道外母未去過意大利,所以準備再一次歐遊,陪外母去意大利玩一轉。
「我女婿度行程好叻,所以呢個女婿 101分,冇得傾。」
鬧劇為老婆帶來麻煩,問 Dicky有否氹番 Joie開心,一直攬住太太的他說:「太太一向都好開心,不過都有少少 surprise俾佢。」 Joie亦搶答:「唔使我講,佢經常都送禮物俾我,成日『攝』埋啲禮物,等我突然發現。但做得多,有時都已經做到冇乜驚喜。」
見女兒直腸直肚,陳曼娜忍唔住插嘴。「我女婿好有心思,佢都成日突然間有神秘禮物送俾我,餐餐都係咁,呢個女婿再搵都搵唔到。」




陳曼娜跟同是基督徒的羅霖、鄧萃雯經常都有聚會。


陳曼娜最為人熟悉是多年前跟薛家燕合作的電視劇《十月初五的月光》,扮演曼珠沙華一角。


前度金若希承認設陷阱誣衊 Dicky,最後以短訊認錯還他清白。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()