孖女揀男友口味一致,除了國籍不同,都是高頭大馬兼有型有款。

名人動態

梁家輝孖女 帶男友陪媽打食飯

贊助商連結

結婚差不多三十年,梁家輝同老婆江嘉年的一對孖女,不覺已經 25歲,大孖 Nikkie(梁穎晨)和細孖 Chloe(梁靜禧)去年大學畢業後,便由加拿大回流返港。在外國受西方教育多年,孖女鬼聲鬼氣, Nikkie更鍾情鬼仔 Tyler,細孖 Chloe的男友 Matthew亦是 ABC,日前,兩 pair人約埋媽打江嘉年,一齊去銅鑼灣食飯,「準外母」同行,一樣冇有怕。

老豆失寵

五十八歲梁家輝同江嘉年所生的一對孖女 Nikkie同 Chloe,眨吓眼已經二十五歲,兩個女都遺傳到老豆優良 DNA,生得樣靚身材正。
自孖女出世後,梁家輝便變身虎爸處處保護,就算兩女已經成人,但照樣攬到實一實,梁家輝更試過著住幼邊泳褲,左手拖一個右手拖一個,父女感情好到比前世情人更 sweet!
但女生外向, Nikkie同妹妹 Chloe都已名花有主,大孖同鬼仔男友 Tyler Toscani更加拍拖三年,至於細孖 Chloe亦有個富貴 ABC Matthew,心有所屬的 Nikkie,如今 ig放男友親熱照多過放同老豆合照,比例約一比十,勁失寵!







孖女熱愛陽光與海灘,梁家輝早年不時攬住兩女合照。 孖住去拍拖

孖女的男友,梁家輝一早過關,更融入梁家,形同自己屋企人。日前,孖女各自帶埋男友,一行四人去銅鑼灣行街。
孖女先跟 Nikkie男友 Tyler去時代廣場買衫,大半個鐘後, Chloe男友 Matthew出現,兩 pair人便分開過二人世界。
Nikkie同男友去 food court食雪糕,一杯雪糕兩份食,你一啖我一啖;但只是分開行十五分鐘,孖女又聚番一齊。




兩姊妹帶埋男朋友陪媽咪江嘉年食晚飯。


擔遮拎戰利品,孖女男友勁有風度。


大孖同鬼仔男友 Tyler攬到實, sweet爆。


晚飯後,江嘉年先送細孖男友 Matthew返貝沙灣寓所。 住埋一齊

離開時代廣場時遇上落雨,孖女各自有男友擔遮攬住行,雨中浪漫。
行完街,一齊去醫肚,這個時候,媽打江嘉年出現,但卻未見「準外父」梁家輝,「一家人」去到越華會,食足兩個鐘。
食完江嘉年在門口遇到朋友,孖女熱情同 auntie打招呼,十分有家教。
是夜江嘉年更做埋司機,先送 Matthew返貝沙灣,之後同 Tyler一齊返回摩星嶺寓所,同大孖拍拖三年的 Tyler,已經發展到同梁家輝一家住埋一齊,半邊仔,走唔甩!




Nikkie(白衫)、 Chloe陪 Tyler去銅鑼灣買衫。


天氣涼浸浸,但 Nikkie依然打出事業線。


細孖同男友去 shopping,大孖就同 Tyler行 Log on、食雪糕。


屬於最靚星二代的 Nikkie同 Chloe畢業返港後,迅即成為各大品牌新寵。 細孖入行

梁家輝的一對孖女 Nikkie和 Chloe,鬼妹性格,常於 ig大方騷身材,是網民關注目標;大孖 Nikkie ig逾 24,000粉絲,細孖 Chloe粉絲亦過萬,是品牌力邀出活動拍廣告對象。
據知,孖女一直有意入娛樂圈,老豆梁家輝一度扮民主話冇所謂,最近又轉口風,堅決反對,不過 Chloe決意入行,早前更由丁子高幫手接 job,安排出席護膚品牌活動,為入行試水溫。




除咗經常大騷事業線,大孖 Nikkie曾於 ig上載一張自拍真空側身爆乳相。


Nikkie與外籍男友愛得高調,經常於網上放閃。


梁家輝一家人去峇里出席鍾鎮濤婚禮,孖女索爆比堅尼上陣。


去布吉旅行, Chloe大方晒身材。 升價十倍

與梁家輝 87年結婚的江嘉年,持家有道,多年來幫另一半投資磚頭,全部有賺冇蝕,現時手持的西半山摩星嶺物業,早於 05年已經供完甩身,現市值約 7,800萬,勁升。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()