名人動態

換走男神 C君  Bingo隊長冧爆林作:佢似柯南加王祖藍!

贊助商連結

再見亦是朋友,十優港姐麥明詩跟林作分手,上週她 25歲搞 party,前度亦被邀齊齊慶祝。沒有另一半,林作日前跟新人女子組合 Bingo拍旅遊宣傳短片,全程盡情發揮雄性本色,搞到隊長 Carman(關嘉敏)冧爆笑唔停,還將他與自己心中男神 C君相比:「佢(林作)個樣似柯南加王祖藍。」

自薦拍 MV

上週三(十二月十四日),林作在澳門拍旅遊宣傳片,午飯空檔期間,他接受訪問:「唔辛苦,好 hea,做幾個表情,講吓對白,最緊要記到唔好阻人收工,我做到令大家可以早收工。」
感情告一段落,林作收心養性,早前到倫敦進修一個月法律課程,至於會否繼拍宣傳片後拍戲,當事人坦言冇人會對他有興趣。「如果真係有,會再睇吓,但純粹玩票性質,冇咩熱誠。」
提到今次拍宣傳片跟女子組合 Bingo合作,他顯得眉飛色舞。
「好正!尤其隊長,好有潛質。(何以見得?)睇到就睇到!各方面由外到內強烈推薦,其他成員都好好。」
宣傳短片的故事講述飾演二世祖的林作,力追扮演 OL的 Bingo隊長 Carman,二人在戲中亦有一些身體接觸,但只是係咁意,林作表示若要再進一步,他亦可以接受。
「無任歡迎啦!我咁講可能無恥咗少少,但冇所謂,都係拍嘢玩吓啫!我之前喺頒獎禮見過佢哋( Bingo),跳得好 pro,啲女仔幾靚女幾叻。(有冇考慮過搵佢哋教你跳舞?)跳舞我真係唔識,佢哋之前搵咗 C君做 MV男主角,隊長( Carman)已經應承下次搵我,唔知佢哋經理人會唔會食言。」林作說。




新人唱跳女子組合 Bingo有五位成員,包括隊長 Carman、 Kylie、 Odilia、 Christy以及 Gia。


拍戲期間,二人合寫了一段愛的內容,繼續搞笑。


新歌《好好愛》拍 mv,找來農夫 C君做男主角,因 C君是隊長 Carman的男神。 係心儀對象

被林作大讚, Bingo隊長 Carman原來亦好欣賞對方。「佢(林作)好風趣幽默,有場戲講佢跌倒要我扶,佢將其中一句對白『使唔使幫你 call白車』改成『使唔使人工呼吸』,最後我真係俾佢洗腦,講咗人工呼吸,好搞笑!我好鍾意識搞笑嘅人,所以男神係(農夫) C君,我覺得佢(林作)啲幽默感同 C君有得比,但佢個樣就似柯南(漫畫人物)同王祖藍,好得意,我都有同佢講過。」 Carman說。
林作有條件, Carman大方承認對方是自己杯茶,但二人是否有發展機會?
「都有,我揀男仔係幽默感行先!可能,有一日佢令我笑到喊,就會感動到我。」 Carman說。




林作全程都令一齊合作嘅 Carman好開心,笑唔停。


Carman指拍這場戲時,林作在身邊洗腦,結果她真的改了對白,變為「需唔需要人工呼吸」,好有影響力。


拍到黃昏,有份演出的 DJ陳達仁以及安采尼和隊長 Carman、林作坐低食飯盒醫肚。


拍三日戲, 90歲婆婆都有去探班。


林作搵了牛津好朋友 Karl去客串做大茄,不過 Karl沒有對白,林作就要一口氣講晒三頁對白。


林作趁幾日假期,即做孝順仔接做完 facial嘅媽咪,跟老闆娘黃小虹合照外,又在 facebook大讚阿媽即時靚咗。

撰文、攝影、攝錄:娛樂組

 

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()