耳傷後,陳展鵬拍新劇《同盟》唔再搏命,大部分動作場口用老替,自己就坐埋一邊發呆。

娛樂偵訊

出爐視帝 陳展鵬忽然 Hea爆

贊助商連結

憑着《城寨英雄》威勢,「拳佬」陳展鵬在週日舉行的《萬千星輝頒獎典禮》中,同「刁蘭」胡定欣拍拖得到視帝視后。
回帶睇番頒獎禮前夕,忙於為新劇《同盟》開工的陳展鵬,開工期間竟然瞌眼瞓,更突然錫身,將大部分動作戲交由動作替身頂上!
Hea成咁,莫非知道做硬視帝,坐定粒六!

耳傷有陰影

陳展鵬上月拍新劇《同盟》不慎傷耳,事後更須停工養傷,不過擔心拖累劇組的他,隔幾日便包住紗布復工;劇中有不少打鬥場面,陳展鵬都堅持親自上陣,搏到盡!
但早前出外景,陳展鵬卻突然錫身,大部分動作場口,都由替身頂上,還柄埋一邊發呆瞌眼瞓,其間有工作人員叫他試位,明明聽到的陳展鵬竟然毫無反應,繼續一尊佛咁坐喺度,令負責上前請他試位的工作人員,十分尷尬,幸好動作替身抵得諗,主動請纓幫手!
Hea足一粒鐘,陳展鵬才滿足,並如導演要求,拍了他全日唯一親自上陣的簡單動作場口。
「未整親耳仔前,煎 Pang真係搏到好盡㗎!有啲動作戲根本唔係佢能力範圍內做得到,佢都堅持要親身試,唔想隨便用替身,所以搞到周身傷晒!直到嗰次傷到要入院縫針,嚇親屋企人之後,煎 Pang就開始錫身,好多稍為複雜同有風險嘅動作鏡頭都唔再自己嚟,交俾替身搞掂算數!」劇組工作人員透露。




「拳佬」一角令陳展鵬在《萬千星輝頒獎典禮》中一嘗視帝滋味。


嗌試位,陳展鵬聽到但唔願郁。


之後仲瞌埋眼瞓。


工作人員留心重要的動作場口,但陳展鵬懶理,企埋一邊拉筋。


Hea足成粒鐘,最後陳展鵬應導演要求,埋位拍了全日唯一的動作戲。


《城寨英雄》中,「刁蘭」同「拳佬」令觀眾留下深刻印象。 情侶檔搵銀

《城寨英雄》受歡迎,主角胡定欣和陳展鵬這對熒幕情侶,在《星和無綫電視大獎 2016》及《 TVB馬來西亞星光薈萃頒獎典禮 2016》早已先拔頭籌,拎埋視帝視后連中三元,不少內地商演、廣告商,紛紛邀請二人拍拖接 job,令荷包大有進賬。
「公司都想佢兩個拍住上,如果有商演,製作劇組會盡量配合放期。情侶出 show價錢特別高,加埋一對視帝視后,身價更加三級跳。煎 Pang一直都有睇樓,應該可以好快做業主!」一名無綫人說。




陳展鵬同胡定欣都有份拍新劇《同盟》,頒獎禮翌日,二人齊齊啟程到台灣拍外景。


一眾粉絲帶齊香檳,慶祝偶像攞視帝。


憑住《城寨》威勢,胡定欣同陳展鵬拍拖成帝后。 拍拖有賺

因為拍劇,被撮合成一對的大台小生花旦不計其數,情侶拍檔出騷,條件酬勞特別優厚,講心又講金,雙贏!



鄭嘉穎 陳凱琳
去年拍無綫劇《殭》撻着,即使年紀相差廿二年,亦無礙二人發展,愛得公開;今年初,首次孖住「情侶檔」出騷,表現甜蜜。



楊明 莊思明
拍拖半年,二人早前同被邀出席活動,公然打情罵俏,莊思明更揚言對於情侶檔行 show,無任歡迎。



蕭正楠 黃翠如
14年拍《師奶 Madam》搭上,其後再孖咇合作台慶劇《幕後玩家》,由於形象健康賺錢 job密接外,更獲不少廣告商問價。



洪永城 唐詩詠
拍拖已經超過兩年,今年六月,二人才首次以情侶姿態出席活動吸金,二人表示酬勞是開心價,煙韌搵食。

撰文、攝影、攝錄:娛樂組

 

, , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()