探熱針

生得陳敏之 食老公二手煙

贊助商連結

早前影落大肚寫真留念的陳敏之,肚入面的 BB正倒數等出閘。距入院開刀生 B一星期,上週一(十二日),挺住九個月巨肚的陳敏之現身中環,陪老公雷偉信行 Zara置裝,其間老公煙癮發作,大肚婆毫不避忌企街陪扯煙,請妻兒歎二手煙,扣分!

中環出巡

大肚婆佗 B大晒!自陳敏之宣布有喜後,以往工作行先的雷偉信,不時陪伴左右,傍實老婆出入。
計劃好今個月中入院的陳敏之,上週一(十二月十二日),離開刀生 B只有一星期,由老公陪同出巡中環。
大肚婆 fing住手袋,搭實老公膊頭慢慢行,從後看,陳敏之步履輕盈,雙腳纖瘦冇水腫,完全不似就生得。兩人在萬宜大廈行了一圈,便轉往對面馬路的 Zara,五點放工時間,人來人往,敏之老公一手拖實老婆,護住過馬路。




佗 B佗得靚,影性感大肚寫真留個記念。


佗 B七個多月的陳敏之仍未肯停工,孖住高 Ling出席活動。 禁區上車

籮咁大個肚,啲衫幾靚暫時都與陳敏之無關,入 Zara主要是幫老公置裝,想買外套,但睇完一件又一件都冇心水,雷偉信於是走出門外扯煙上電,大肚陳敏之冇有怕,只是稍稍企開幾個身位,篤住電話陪食二手煙。
雖然已收到不少朋友送贈的 BB衫,但陳敏之見附近店鋪有 BB衫賣,亦忍唔住入去行個圈。
始終冇嘢買到,陳敏之於是 call司機接,但周圍都塞車,大肚婆開始不耐煩,起勢打電話追,等足廿分鐘,司機終於到,兩公婆不理禁區雙黃線,九秒九上車走人。
雖然陳敏之大可專心湊仔做少奶奶,但坐唔定事業心又重的她,已落實產後三個月復工,埋位拍回巢大台的梅小青新劇《溏心 3》。




從後睇,大肚婆有腰雙腳冇水腫,完全唔似就生得。


途經童裝店,陳敏之忍不住入去行個圈。


放工時間人多,陳敏之由老公拖實過馬路。


陪老公行 Zara,齋睇冇收穫。


大肚陳敏之坐唔定,不時頂住巨肚約朋友飯敍。


老公煙癮起,即使企開咗,但陳敏之一樣會食到二手煙。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()