朱茵拖女,阿 Paul就拖喼,型英帥,全部放低!

同你吟一吟

阿 Paul妻女大晒

贊助商連結

性格出名火爆嘅阿 Paul黃貫中,幾十歲人,仲係成個計時炸彈咁,話爆就爆,不過咁,世上仲有朱茵同黃鶯呢兩個人,可以令佢收火。

上星期日(十二月四日),阿 Paul同朱茵帶咗個女去淺水灣鋸扒,一家三口早咗到,先喺商場睇吓玩具,又同個女玩咗接近半個鐘吹氣滑梯。
52歲阿 Paul幫囡囡拖住個小朋友喼,面上嘅稜角好似打咗 Botox一樣,平滑晒!坐低食飯,一上菜,阿 Paul第一時間切切切,切完就㓤埋俾老婆,再搞掂埋個女,先輪到自己,簡直四十八孝。
邊個話人唔會變!阿 Paul可以做孺子牛,其實 CY一樣可以為咗齊昕,放棄做狼。要做個點樣嘅人,純粹睇閣下點揀!




伸手叫囡囡埋自己身邊嘅阿 Paul,唔單只對 4歲黃鶯俯首稱臣,就算見到個鬼妹仔玩到跣低咗,都緊張到七情上面。





行行吓,囡囡主動要阿 Paul抱。


坐低開餐,阿 Paul將塊扒切成一嚿嚿俾老婆,又蓮子蓉咁對住囡囡,好好服侍。

撰文︰八珍

 

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()