作勢跳車,鏡頭前的馬明同胡鴻鈞好合拍。

娛樂偵訊

馬明陪胡鴻鈞 冒雨跳車

贊助商連結

終於肯續約,可以離開大雪櫃的馬國明,正為新劇《降魔的》埋尾。日前,劇組於汀九一個停車場開夜班,就算全晚落唔停雨,都要照拍!當晚馬明同胡鴻鈞要拍跳車戲,有踢波習慣的馬明身手無須懷疑,但沒想到初哥胡鴻鈞都有番咁上下,原本預拍 3小時,最終個半鐘搞掂。不過,每次一停機,馬明都自動彈開發呆,如果換轉對手是其他姐仔,相信會生猛好多!

新丁一點就明

開工先嚟落雨!在汀九海旁停車場拍外景,全晚食住風又落雨,好攞命!
晚上九時,工作人員將用以拍攝的的士車尾吊起並在下面鋪滿地墊後,導演和劇組人員淋住雨同馬明、胡鴻鈞先講解清楚拍攝的要求,兩個演員才預備埋位。
由於胡鴻鈞拍劇經驗不多,要做戲又要兼顧動作場面,劇組人員預計這個場口需要花上三小時,沒料到最終只拍了六 take,導演便收貨,個半小時便可以轉景!「 Hubert仔(胡鴻鈞)咁新,班手足(幕後)初時估計場戲三個鐘都未必拍得晒,但估唔到 Hubert仔斯斯文文,身手都幾好。可能後生啦,一點就明!」劇組人員說。
胡鴻鈞唔甩轆,對手馬明雖然不用陪 NG,但全晚有一大堆打鬥場面等住他上陣,所以每次一拍完停機,馬明便自動彈開,除偶然同幕後吹水,其餘時間,都呆呆吽吽冇乜表情。




淋住雨等 roll機,胡鴻鈞同馬明都冇詐型。


擺機位期間,馬明同導演企街研究劇情。


同新丁胡鴻鈞拍跳車戲的馬明,當晚還要拍揸的士及被追殺的場面,有排唔收得工。 咬完手指掂 fans

幾日後,一身街坊 look的馬明現身土瓜灣開工,幕後工作人員擺機位時,男主角有公司冷氣車唔坐,寧願企街同導演研究劇本,最終惹來不少「阿豬媽」粉絲留意,上前求合照,順得人馬明完全無托手踭任影,還主動搭膊,之不過,那隻搭粉絲膊頭的手,正是他之前咬得津津有味的,好滋味!
當初馬明死拖唔肯落筆續約,大台於是以《為食神探》收視口碑欠佳為由,抽起他及周麗淇擔正的重頭劇《流氓皇帝》,直至九月馬明落實留低,《流氓》才有機會於本週出街,重見天日。




鏡頭後,馬明黐埋工作人員堆中發呆,胡鴻鈞冇人理,自己篤手機打發時間。


邊行邊咬,馬明,你隻手指是朱古力味還是呍呢嗱味呀?呢頭咬完手指,嗰頭用手搭住粉絲影相,乘機抹手,唔該晒!


肯同大台續約,馬明和周麗淇主演的《流氓皇帝》終於有機會出街。

撰文、攝影、攝錄:娛樂組

, , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()