上週日,鍾嘉欣帶住囡囡 Kelly起程返溫哥華,準備出席好姊妹岑麗香婚禮。

探熱針

抱女返温哥華 鍾嘉欣陪香香出嫁

贊助商連結

「處女黨」排住隊出嫁,繼李亞男、鍾嘉欣、王君馨先後做人妻,本月初,「香香公主」宣布做「強嫂」。
身為閨密的鍾嘉欣,一早講明會做「姊妹團」。返港兩星期搵完快錢,本週日( 11/12),嘉欣 BB便帶住 B女 Kelly坐凌晨機趕返溫哥華,陪好姊妹出嫁。

慳錢坐經濟位來回

鍾嘉欣孭住囡囡 Kelly,同媽咪三代同到機場啟程返加拿大,一落車,早有準備的她用白色大毛巾,將孭在胸口前的 B女包冚;返港半個月,嘉欣 BB六喼行李再加一個大紙皮箱走,大陣仗!
出名係慳妹的鍾嘉欣,去程同回程一樣搭經濟艙。去到 check in櫃位,俾毛巾包到冚的 Kelly開始扭計,兩隻腳仔不停踢踢吓。怕焗到囡囡,鍾嘉欣於是撥開毛巾,見到三個月大的人仔,頭髮又黑又密,好得意!
辦完登機手續,一行人隨即行去入閘,對記者提問,嘉欣 BB十問九唔應,只保持微笑。




對記者十問九唔應,但 keep住有笑容。


一落車,鍾嘉欣即刻用毛巾包住 Kelly。


入閘前,保安要求鍾嘉欣掀起毛巾,認 B女樣。 唔同苟姑娘一齊飛

返港期間,鍾嘉欣一班圈中老友包括胡杏兒、楊怡等,輪流上門探 B。啟程返加拿大當日下午,鍾嘉欣亦把握最後機會,帶 B女同王君馨、苟芸慧短聚。據知,她原本打算約埋幾個好姊妹坐同一班機返溫哥華,但因為湊住 B女唔想高調,最終打消念頭。
「 Leanne(李亞男)一早就飛咗過去溫哥華幫香香搞婚禮, Linda(鍾嘉欣)就諗住同苟姑娘一班機,不過佢帶住 Kelly,加上要照顧媽咪,所以最後決定分開飛,嚟緊呢幾日,班處女黨姊妹就會陸續飛過去。」知情者說。




「處女黨」逐一嫁人,月初岑麗香宣布做「強嫂」後,剩番苟芸慧未有「嫁期」。


升呢做媽咪後,鍾嘉欣久不久返港出席活動賺奶粉錢。


返港兩星期,鍾嘉欣一班圈中好友輪流上門探 B,張嘉兒更帶埋囡囡 Leora,一齊同 Kelly gathering。


又濃又密的「毛毛球」髮型,成為 Kelly的標記。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()