12月 6日洪永城 33歲生日,當晚沒有二人世界,他選擇偕女友、梁嘉琪等有線舊朋友,在工廈私竇搞閉門 party。

探熱針

嫌大台綁手綁腳 洪永城密謀另起爐灶

贊助商連結

同於 12年過檔無綫的一班有線幫,以洪永城、黃翠如最豐收,極速孭正做主角外,更近水樓台搵到另一半。雖然被公司力捧,不過拍劇困身冇自由,做旅遊節目出身的洪永城密謀轉做幕後;上週滿 33歲的他,決定坐言起行,準備搵地方開工作室,自立門戶。

女友陪搵地方開檔

鄭嘉穎、黃宗澤唔續約,明年尾約滿大台的洪永城亦唔想嘥時間,決定效法王祖藍等外闖,數月前,已開始周圍請教朋友問意見,又孖女友唐詩詠搵地方,準備搞工作室。
「 Tony(洪永城)一直想開自己嘅工作室,但佢覺得余詠珊有恩於佢,所以就算出年約滿,佢都想轉形式同 TVB繼續合作,但首先係要有足夠空間同自由。珊姐(余詠珊)可能都收到風,近期都冇乜大 project俾 Tony做,等佢有多啲時間考慮清楚,究竟留低定走人。」一名無綫人說。




玩到深夜三點,唐詩詠一馬當先步出攞車,洪永城則拿着大袋禮物殿後,因發現記者,二人各自走,嘥料。


12月 1日黃昏,洪永城出席完台慶活動,便到九龍灣工廠區視察環境,之後上了幢工廈同人密斟,個半鐘後才離開。


上月台慶夜,完騷後洪永城、唐詩詠會合當時未甩拖的袁偉豪、岑杏賢等,到坑口村食消夜,其間佢整古做怪氹女友笑。 規矩多冇得發揮

上個月跟黃翠如拍完《我瞞結婚了》,在大台四年幾乎冇停開劇的洪永城竟然好清閒。上週二(十二月六日)晚,他跟唐詩詠、梁嘉琪及幾個幕後朋友,在九龍灣工廠區私竇食生日飯,玩到半夜三點,才攞住大包禮物跟女友分開揸車走人。
「以前喺 Now同 Cable拍旅遊節目,由寫稿到搵景,基本上都係 Tony話晒事,啲導演、監製都係從旁配合,所以佢好有成功感;但過咗大台因為大公司好多規矩,樣樣要跟足,掣肘多咗,冇機會俾 Tony發揮自己諗法,拍劇又唔係佢專長,就算有時想加啲自己嘢,都要忍住,驚俾人誤會佢搞搞震,所以 Tony覺得一啲都唔好玩,冇以前咁過癮!」知情者說。




唐詩詠開工唔得閒,洪永城一支公去灣仔食麵,食完就返歸。


洪永城唔熟九龍灣,向停車場叔叔問路過香港區。


14年頂替患病黃浩然拍《張保仔》,但劇本膠,捧唔到佢上位。


過檔大台後,洪永城孖住好拍檔黃翠如拍過不少有口碑的旅遊節目。 唔益人

在大台拍劇,做牛做馬捱更抵夜,但收入與付出永遠不相稱,近年小生花旦排住隊離巢,有部分更自組公司,唔益外人。



佘詩曼
作為兩屆視后,阿佘在大陸搵咗唔少。今年 5月撇大台成立工作室,參與江蘇衞視美食真人騷《星廚駕到 3》,做女廚神輕鬆袋千萬人仔。



王祖藍
去年獲六嬸、殼王等大老細器重,在邵氏自組山頭開公司,旗下藝人暫有老婆李亞男、鄧萃雯、林欣彤、徐子珊、黎瑞恩、羅霖等。



黃宗澤
明年 2月約滿大台,走硬的黃宗澤同樂易玲埋班,在邵氏旗下擁另一山頭開工作室,同祖藍平起平坐。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()