蘇永康表示背祖忘宗分裂國家係唔做得㗎。

探熱針

被封殺兩年 蘇永康擦強國 插「梁、游」

贊助商連結

蘇永康 49歲老來得子,可能因此高興過頭,竟然公開講:「我唔想生一個梁天恆(梁頌恆加梁天恆),唔想生一個游蕙禎。」事件引起很大回響,結果,連他當年在台灣吸毒被捕事件,都被舊事重提。
據知,蘇永康在 14年 9月因為發表過一番支持佔中言論而被列入「嚴控類」,自此被大陸封殺,只要有他份演出活動,一律不獲審批;整整兩年冇機會賺人仔,收入大減!即將要養多件化骨龍,蘇永康不得不變身成為「愛國藝人」,搏大陸解封。

公開撐佔中

一四年,蘇永康公開撐佔中人士,並炮轟當時的警務處處長曾偉雄。「佢哋(佔中人士)唔係八十年代暴徒,唔係掟燃燒彈,警務處處長要解釋,知道警方係因為阿頭叫咁做,佢哋都冇得唔做,香港人嚇香港人做乜?裝備及橫額(「速離否則開槍」旗幟)呢啲嘢令香港人不滿。」
因為這番言論,令蘇永康被內地有關方面列入「嚴控類」,其時,名單中還有同樣發表過支持佔中言論的張敬軒、林夕、何韻詩、杜汶澤及黃秋生等香港藝人;自此,有他們份參與的影視、音樂及演出,一律都要經過嚴格審批,但大多數都不會獲批准。




14年 9月蘇永康發表過一番撐佔中言論,結果被大陸有關方面𥄫到實。


何韻詩同杜汶澤是佔中中堅分子,明知俾大陸封殺影響收入,但都堅持唔肯跪低。


張敬軒同樣因為支持過佔中,被大陸禁上電視節目,所以近期耐唔耐,他都轉晒口風,做愛國歌手。 連累埋拍檔

以往不時到強國賺人仔的蘇永康,近兩年在大陸演出次數少之又少,原本與任賢齊、梁漢文及黃家強組成的「男人幫」,亦因為蘇永康無法取得大陸巡唱批文,最後只做了香港、澳門及馬來西亞雲頂幾站。
「其實之前都試過有啲大陸雜錦 show,因為有蘇永康個名,所以攞唔到批文,但只要一剔走佢個名,又即刻搞掂;所以都有人建議過『男人幫』開騷,大陸站唔用蘇永康,不過佢哋公司(寰亞)唔肯咁做。」知情人說。




任賢齊原本諗住帶挈旗下的梁漢文、黃家強同蘇永康,返大陸唱騷,所以組成「男人幫」,點知因為蘇永康關係,大陸巡迴搞唔成。


49歲的蘇永康老來得子,太太懷孕五個多月。 被翻吸毒舊史

冇機會返大陸吸金,在港甚少工作的蘇永康,惟有展示愛國愛黨一面,借唔想生個仔女似「梁、游」,對大陸表明他不支持港獨。
呢招是否可以幫到蘇永康解禁其實無人能夠保證,不過此舉未見其利,先見其害!包括他○二年,在台灣吸毒被捕新聞,亦再被網民重溫,甚至以其人之道,還治其人之身,聲言也不希望生個仔,似蘇永康走去吸毒。




一班網民睇到蘇永康唔想仔女似「梁、游」,即時翻炒他 02年在台灣吸毒事件。


蘇永康發表了「我唔想生個梁天恆(梁頌恆),我唔想生個游蕙禎,我要佢識分庄閒。」以為可以氹番大陸。(《蘋果日報》圖片)

撰文、攝影、攝錄:娛樂組

, , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()