next2.jpg


薛凱琪戴上遮樣三寶:口罩、眼鏡和帽,將自己包到成「神秘人」,陪 Byron到油麻地電影中心睇戲。

娛頭

終於放低祖名 秘交三年 帶埋「外母」歐遊 薛凱琪馬主男友曝光

贊助商連結

已經是中女的 35歲薛凱琪( Fiona),最近經常將「恨拍拖」掛在口邊,又話希望可以盡快找到真命天子,講呢啲!其實薛凱琪早有着落,真命天子正是去年被斷正孖住去酒店密會兩粒鐘的富二代。據知,這位年約三十多歲的富二代名叫鄧浩基( Byron Tang),是城中低調富豪鄧邦之子,同 Fiona秘密拍拖已超過三年, 14年,行外母政策的 Byron,更加帶埋薛凱琪媽齊齊歐遊。二人感情穩定,不過同男友拍拖睇戲, Fiona照樣前後腳摸黑入戲院,十分神秘。

配合低調戀情

被拍到與富二代出入酒店,薛凱琪每次被問及男伴身份,都非常避忌,一時稱對方是健身教練,轉頭又話是舊同學。
原來這位名叫鄧浩基( Byron)的富二代,早在一三年已向他的女神展開追求攻勢,拍拖超過三年,但為配合女友,一直將戀情低調,除了出埠拍拖,亦嚴守盡量不到人流多的地方。
上月初,薛凱琪相約 Byron到油麻地電影中心睇《七月與安生》。晚上九點半,戴齊冷帽口罩眼鏡,十足神秘人的薛凱琪,坐男友車到戲院,幾乎包冚的薛凱琪先自行入場,為免被發現及方便散水,她選擇了戲院最後排的隱蔽角位。




離開戲院後,二人開始放下戒心愈行愈埋, Byron更好似開籠雀般,同 Fiona邊行邊講。


散場各有各行,扮唔識!


開定車門等女友上車,好有風度。


載住薛凱琪遊大半粒鐘車河, Byron才捨得送女友回家,而女助手 Edith亦一早候駕,做完柴可夫, Byron隨即返回渣甸山嘉雲臺屋企。


同男友分道揚鑣後,薛凱琪除下口罩眼鏡,上載同友人聚會合照。


14年 11月,薛凱琪在網上晒同媽咪去芬蘭的旅行相,其實當時 Byron亦有同行。


睇完戲遊車河

開場五分鐘後,戴住 cap帽的 Byron,才摸黑入場。散場時,二人一度扮唔識,分開行到離行離列,之後見附近冇人留意,才放下戒心愈行愈埋。
睇完戲, Byron載着女友遊車河,在港島區不停兜足大半粒鐘後,才捨得送薛凱琪返屋企。

身邊朋友催婚

到埗後,薛凱琪助手 Edith已經一早候駕,見到 Byron女助手熱情揮手,可見二人的情侶關係,在生活圈子已經是公開秘密。
「 Fiona身邊最 friend嗰幾個,包括女助手 Edith,排舞老師 Haruna都一早知佢哋拍拖,有啲聚會如果人唔多, Fiona都會叫埋 Byron一齊去。
「 Byron雖然係富二代,但性格低調又貼地,仲要冇架子同有錢人氣焰,佢好有幽默感,好識氹 Fiona開心,所以一班姊妹成日都催佢哋快啲結婚。」知情人士說。




Byron同其他富二代一樣,熱愛打 golf,身邊好友亦大多是球友。





二人相識多年,亦有共同朋友包括李霖恩,據知 Byron努力多年,才成功將女神追到手。


Byron早已融入女友於工作上的朋友圈,去年排舞老師清粥生日,薛凱琪都帶埋男友出席。 請埋「外母」去旅行

薛凱琪唔想公開戀情, Byron亦百分百配合,就算個人 Facebook,也從不公開另一半身份,更加不會放有薛凱琪的相。
一三年五月, Byron將 Facebook關係一欄中設為「 In a relationship」(在一個戀愛關係當中),一四年十一月,他將頭像相換成一張自己在聖彼得堡旅行時,站在露台影的黑白相片。
同一時間,薛凱琪亦上載了一張同地點,同背景的相到 Instagram,其時,她聲稱同媽咪歐遊。
「其實佢哋識咗好多年,但 Byron都追咗 Fiona好耐先成功,有時一齊去旅行, Byron都主動叫埋 Fiona媽咪一齊去。
「帶埋個咁大嘅電燈膽去拍拖,真係冇幾個男仔可以做得到。男朋友咁孝順,梗係加晒分啦!所以 Fiona都好珍惜呢段感情,可以話 Byron嘅出現,令佢真真正正咁放低祖名。」薛凱琪身邊好友說。




去完芬蘭,再轉戰俄羅斯,其時 Byron在 fb上載了一張在聖彼得堡影的黑白相;同一時間,薛凱琪則在 ig擺了張同一背景相。





歐遊十多日,薛凱琪只上載與母親的旅遊照。

 




同房祖名分手後,薛凱琪同方大同的緋聞亦傳足多年。


隱形富二代

同薛凱琪拍拖三年的鄧浩基( Byron Tang),父親是上市公司馬仕達國際控股有限公司的獨立非執行董事鄧邦,也是教育管理猛人,曾創立新加坡加拿大國際學校,而 Byron自己亦擁有陽明山莊物業和是「 HAY RUN」(喜盈運)的馬主。

過去式

出道至今,薛凱琪身邊男伴女伴氹氹轉,情緣有長有短,但拖拉牽絆最長時間,始終是房祖名,直至 Byron的出現,讓 Fiona終於放低。

TB攣情
帶點嗲聲嗲氣的薛凱琪,一度爆出攣情,指她與中性打扮的女友人「大眼 Ann」過從甚密,並於對方寓所過夜。



房祖名
05年,二人合作電影《早熟》撻着,拍拖四年,最終因為祖名太花心,加上頂唔住 Fiona的公主病,雙方決定分手,有指薛凱琪因為情傷,導致情緒出問題。



黑人 Reggie Martin
10年,薛凱琪傳出同澳門酒店高層 Reggie Martin拍拖,男方更不避嫌在網上大晒二人煙韌合照。



郭品超
曾經同薛凱琪合作電影《摯愛》的郭品超, 10年秘密來港同 Fiona約會斷正,二人在的士慾戰,再齊齊返女方寓所。



方大同
傳因為幫 Fiona做唱片監製而撻着,雖然不時被影到約會食飯,又互相做對方個唱嘉賓,但由始至終,似「兩姊弟」多於情侶。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()