同你吟一吟

容 Joey陪男友睇家品

贊助商連結

拍拖四年,容祖兒同師兄劉浩龍不時傳出婚訊同分訊,早排又話師兄想 Joey幫手救亡,入股佢同范振鋒合資開嘅日本料理,但傳聞因為 Joey媽唔贊成,結果兩個嗌晒交, Joey仲唔聽電話又唔覆短訊。

區區幾十萬,當然未至於反枱分手,耍完一輪花槍,又冇事!
上星期四(十二月一日),容 Joey帶埋助手去同師兄拍拖,喺銅鑼灣食完嘢,師兄要入 Francfranc買嘢, Joey陪睇幫眼,快買快閃,之後陪女友等七人車,師兄先自己去攞車。
《壹》仔問聖誕會唔會同 Joey出埠過,師兄就話要開工拍戲,跟住同《壹》仔提早講聖誕快樂!雞咁腳走。
女友係天后,即使劉浩龍再積極搵錢,但始終一個天一個地,仲要 Joey係廿四孝女,媽打話晒事,師兄要入到天后門,真係瞌陣眼瞓都唔得㗎!




同師兄食完嘢, Joey再陪男友去睇家品。


拍拖帶埋助手嘅 Joey,是日坐自己車,師兄陪女友等車到,再親眼送上埋車,先自己去攞車返屋企。


上星期二( 29/11), Joey媽唔舒服,廿四孝 Joey親自陪去中環睇醫生,之後又緊張拖實媽咪行去上車。

撰文︰八珍

 

, , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()