娛樂偵訊

轉投華納唱片 許廷鏗頂上補周柏豪

贊助商連結

巨聲幫出身的許廷鏗( Alfred),因有離心,激嬲老闆何哲圖將公司資源轉投同門的鄭俊弘及胡鴻鈞身上;去年初被掟入雪櫃的他,雖一度屈服擦老細鞋搏解凍,但始終徒勞無功。終於捱到約滿,許廷鏗決定過檔華納,頂替剛新婚的周柏豪。

 


自己宣傳仲掂
黃柏高( Paco)一直有意招攬星煥的許廷鏗,並準備一四年合約期滿後便轉會到太陽娛樂,可惜走漏風聲,觸怒老細何哲圖( Herman),就算最終決定留低,亦無補於事!
「雖然續咗約,但呢兩年 Herman幾乎冇俾過機會 Alfred,反而係咁捧鄭俊泓,到而家仲幫緊佢入紙申請紅館個唱。 Alfred試過認矮仔求和,但都冇用。」知情者說。
過去兩年,同孤兒仔冇分別的許廷鏗,利用網上平台為自己做宣傳,反而打出另一片天。
「 Alfred每次有新歌派台,自己都會度橋擺上網做宣傳,好似《我的志願》個 MV,佢自己碌卡,搵鮑姐(起靜)做 MV女主角,就連梁詠琪、楊千嬅呢啲前輩都專登幫佢轉發,效果勁過唱片公司幫佢做宣傳。」

Alfred試過屈服擦老闆 Herman Ho(中)鞋,可惜 Herman照雪他,還集中火力捧鄭俊弘,懶理 Alfred。

周柏豪與 Stephanie拍拖八年,早前被踢爆二人已於十一月廿六日在泰國布吉秘婚。

2015年是周柏豪的音樂豐收年,奪得叱咤男歌手金獎,已創了他的音樂事業高峰。
周柏豪明年走
明知留低冇好結果,還有三個月便約滿的許廷鏗,已決定執包袱離開。「有幾間公司搵 Alfred過檔,最後佢揀咗華納,因為周柏豪出年初滿約就唔續約, Alfred有機會成為公司重點力捧歌手,加上華納同無綫已經破冰,曝光大台無問題,呢點亦係 Alfred最在意嘅!始終自己喺無綫出身,佢唔想大家尷尬。」
據了解,周柏豪滿約華納後,唱片方面亦會交由經理人公司 Starz People處理。
「柏豪知自己喺音樂方面已過咗高峰,好難有再上嘅空間,加上蕭定一之前收購咗 40% Starz People股份,講明會開戲捧佢,而阿一有 HMV唱片部,就算要出碟,都可以做好製作再俾 HMV發行,唔使有合約綁住,自由度都高啲。」知情者說。

自知音樂事業難以更上一層,周柏豪索性將重心轉移到拍電影,仿效余文樂在影壇發展。

 

就算唱片公司為《我的志願》拍了 MV, Alfred仍出人情卡找來鮑起靜另拍多一個 MV版本,作為自我宣傳。

Alfred花了半年籌備新歌《痛醒》×吳若希新歌《麻醉》 MV, Alfred親自執導,亦抱很大期望,是他離開星煥的告別作。

早前, Alfred為歌迷搞了個 live音樂會,還找來不少圈中好友如林欣彤、何雁詩、欣宜及鄧小巧等撐場。
撰文、攝影、攝錄:娛樂組

, , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()