探熱針

學友開騷 老婆羅美薇獨自夜行

贊助商連結

四年冇响香港開演唱會,由北京唱到返主場香港的張學友,表現大勇,頭場自己俾 80分:「仲有啲嘢要執吓!」個唱有學友媽在後台打點,老婆羅美薇並未現身。
同學友一樣 fit爆的羅美薇,一向有運動習慣,除咗跑步,晚飯後亦習慣外出散步,一行兩粒鐘, 50歲的 May May腳力好,個樣亦 keep得好。

 


勁跳冇留力
在內地巡唱了十八場後,張學友終於巡到返香港,週日(十二月四日)開騷,開場第二首歌已經同二十三個 dancers一齊勁跳,冇留力!
唱接近三個鐘,換了十多廿套衫的學友唱了不少經典歌,《每天愛你多一些》、《情已逝》、《離開以後》、《吻別》、《餓狼傳說》,大大滿足歌迷。
向來要求高的學友,演唱會無論舞台、燈光、音響、樂隊都屬於頂班,唱《時間有淚》時,用燈光造成雨絲效果,十分吸睛。

唱得之外, 55歲學友仲好跳得!

平時靠打網球 keep fit的學友說今次開 show冇減磅。

曾志偉、上山、阿 B夫婦首場便去捧場。
同陳太唔啱 key
原本去年已經計劃舉行 30周年世界巡唱,卻因同陳淑芬反枱而節外生枝。
「學友對自己要求好高,開騷每樣嘢都要做到最好,但陳太要賺到盡,製作費高就不斷加票價,上次『 1/2世紀』演唱會, VIP飛要二千幾蚊一張,學友覺得長此以往好有問題,佢同陳太大家各有諗法,已經合作唔到。」知情者說。
今次主辦單位換了合作多年的環球唱片,學友坦言:「製作上幾乎我要求啲乜,佢哋都做到晒!」演唱會製作費驚人,但學友表示歌酬是有增無減,亦未試過在演唱會換咁多衫,身形長年 fit爆,學友說全靠打網球,「其實今次都冇乜減磅!」

剪短頭髮的 May May睇落好清爽,個樣亦同以前冇乜分別。

婚後羅美薇非常低調,只間中被影到和學友一齊出埠旅行。

飯後運動, May May選擇急行,其間不時睇住手機 app,留意身體狀況。

行足兩個鐘,步速平均,腳力驚人。
日日做運動
首場演唱會,卻未見太太羅美薇蒲頭。「佢唔係今晚嚟睇!」學友說。
羅美薇唔會晚晚到場,但講到做運動, May May持之以恒,有時飯後亦會外出散步,一星期起碼行兩、三晚。
上月底, May May食完晚飯又出動,著住運動裝的她,步履輕盈行得極快,由淺水灣行去深水灣,來回行了兩次,不時邊行邊睇手機的她,留意住心跳脈搏。
回程路段, May May仍沒半點疲態,步速亦保持冇變慢, 50歲,無論身形樣貌,羅美薇同以前都冇大分別!

女 dancers黑絲趴地趷籮,現場觀眾情緒高漲大嗌。

唱《餓狼傳說》時與 dancers共舞,增加效果。

四年冇開騷,學友話自己其實非常緊張。
磚頭億計


一向投資有道的張學友,財權交老婆羅美薇負責,兩公婆早年買下不少物業,亦鍾意一炮過俾錢,就算偶有上會,都會火速供完。現階段有四個物業揸手的他,其中兩個升至過億,單是磚頭已逾三億。
撰文、攝影、攝錄:娛樂組

, , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()