投資七位數開素食健康食品的陳貝兒,短短兩年已擁有四間分店。

名人動態

2年開 4鋪 陳貝兒開健康食品店搵私己

贊助商連結

父親是資深演唱會監製陳永鎬,老公家底又不俗,嫁得好的陳貝兒大抵可以 high tea行街過日辰。但不甘只做闊太的 Janis(陳之洋名),轉投大台做主持外,還利用工餘時間,將自己的素食習慣變成事業,開設素食健康食品店,短短兩年已經開到第四間分店。
日前趁住電能車 Tesla有新款落地, Janis抽空去睇真身之餘,順道殺落灣仔開設的首間鋪頭巡鋪,遇上店員入倉補貨,做老闆娘的還落手搬貨兼收銀。 Janis這門賺私己錢的生意,絕對不是柴娃娃玩泥沙。

巡鋪做埋一份

轉投大台後,陳貝兒主力擔任大騷,以及每星期一晚的《東張西望》主持工作。上週五(二十五日)中午,一身牛記打扮的 Janis現身灣仔皇后大道東,她施施然行入一間素食健康食品店,起初見她向店員問長問短,以為她準備入貨,但不久後,見她放低手袋,捲起衫袖,起勢將貨物左搬右搬轉擺位,其間有客人俾錢, Janis二話不說行入櫃枱做收銀,轉頭一名外籍客人上前查詢, Janis帶着對方在店內遊走介紹產品,在鋪頭逗留大半小時,直到客人相繼離開, Janis才孭袋走人。




11年陳貝兒與圈外人黃國棟拉埋天窗。


遇上客人俾錢,陳貝兒連收銀都做埋。 密謀再開鋪

事後向陳貝兒電話查詢,她直認店鋪是自己有份投資的,表示因為成為社企 Green Monday的執行總監後,萌生將自己由大學時已開始的素食習慣,轉化成為生意,於是同幾個志同道合的朋友,開設素食健康食品店,短短兩年時間,已經擁有四間分店,坦言灣仔店是首間開設的,份外有感情,只要稍有空閒,便會前來巡視。「落嚟睇吓客人有咩喜好,嚟緊再開新鋪,可以攞多一點客人的意見。」陳貝兒說。
至今陳貝兒已經投資了七位數字,同其他小商戶一樣,鋪租是整盤生意中的一大棘手問題,但無阻 Janis同一班拍檔將生意繼續擴張,計劃待新開的兩鋪漸上軌道,稍後便會在西貢以及元朗等新界地區開新鋪。




貨品的擺位陳設,陳貝兒都會俾意見。





陳貝兒對鋪內貨品瞭如指掌,外籍客人起勢問都唔會俾對方問到口啞。 想老公送車

投資的生意有成績,未巡鋪前,陳貝兒走入 Tesla睇新到埗的 Model X,據知新車八十萬走唔甩, Janis入到車行雙眼未離開過部新車,問 sales攞晒價單之餘,又坐上司機位試揸,似乎愛不釋手,當事人承認對新車好有興趣,還笑笑口話:「希望老公見到識做啦!」老婆俾貼士俾到出面,陳貝兒老公係時候做嘢喇!




未巡鋪,陳貝兒先去 Tesla睇新款的 Model X。


陳貝兒對新車愛不釋手,笑稱希望老公睇見,會自動波做嘢。 阿太升呢做老闆

無綫出名人工奀,但無阻一班財力過人的阿太級藝人,創業做生意搵真銀。



林夏薇
10年進軍飲食界,開點心快餐「功夫點心」,其後生意愈做愈好,今年 7月底林夏薇乘勝追擊,於香港仔開設第七間點心分店,加上兩間火鍋店,林夏薇坐擁 9間鋪頭,被網民稱為「飲食天后」。



胡杏兒
去年離開大台投資七位數做老闆,於尖沙咀開婚紗店「 KEVOLIE」,更包辦自己婚禮,結婚穿上自家製婚紗,幫公司做生招牌。



陳敏之
婚後得老公力撐,投資七位數開鋪「 Blesscuit」賣曲奇,開業一年已火速回本,並開到第五間分店,早前粗身大細的陳敏之,照樣落鋪,親力親為,做埋 sales招呼客人。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()