當工作人員 set燈度位時,攞住劇本的鄭嘉穎顯得超唔耐煩。

娛樂偵訊

拍大台告別作 鄭嘉穎發老脾喪鬧導演

贊助商連結

「視帝」鄭嘉穎自從打開大陸市場後,根本就唔再放大台在眼內,即將約滿的他,一早已決定起飛腳,唔再同大台續約。
在約滿前鄭嘉穎要拍劇清債,盡快完成晒合約期內工作,一到期就可以即走,所以他早前拍告別作《迷》時,就完全唔使再俾面大台,當住全部工作人員面前喪鬧導演,擺晒阿哥款。相反對住女友陳凱琳的好友,鄭嘉穎就變晒面,成個人和藹可親。

主動撩傾偈

鄭嘉穎上年拍《殭》時,除咗同拍檔陳凱琳擦出愛火外,對另一位因演《女人俱樂部》少女版張慧儀而為人認識嘅新丁賴慰玲同樣愛錫。
最近二人再度合作,現身烏溪沙為新劇《迷》拍外境,起初等埋位時,賴慰玲自己坐埋一邊睇劇本,鄭嘉穎見狀即笑晒口大聲呼喚對方:「賴慰玲!過嚟先啦,唔好扮晒嘢,平時都唔見你睇劇本!」此時,攰到爆嘅賴慰玲依然坐喺度攬住劇本唔願郁,鄭嘉穎就主動行去對方身邊撩傾偈兼對戲,嘉穎對住賴慰玲完全無架子。
相反,對住工作人員就大擺阿哥款,教人度位之餘,當發現劇本唔合邏輯時,仲寸爆導演:「你過唔過到你自己先,我就過唔到我自己嘞!」搞到對方超無癮。「鄭生擺阿哥款就唔係今時今日先有啦,自從佢喺大陸搵到吓錢,返到嚟公司就覺得全世界好似欠咗佢,要睇佢面色做人,咁佢拍埋呢部戲都走人,所以更加唔會俾面大家囉!」工作人員透露。




賴慰玲唔願郁,嘉穎主動行去佢身邊撩吹水。


對住賴慰玲,鄭嘉穎笑到見牙唔見眼。


賴慰玲自己坐埋一邊睇劇本,鄭嘉穎笑晒口呼喚對方:「賴慰玲過來先啦!」


眼見劇情唔合理,嘉穎指住劇本向工作人員大發牢騷。


Cool爆嘅嘉穎嚇到坤哥完全唔敢正視。 收風橋樑

至於鄭嘉穎點解會特別錫賴慰玲,全因為女友陳凱琳,而陳凱琳就依靠賴慰玲收風。
「 Winki(賴慰玲)個人係幾易相處同有義氣嘅,加上 Grace知道 Winki本身都有男朋友,所以好放心唔怕佢哋背住佢搞埋一齊,加上 Grace同嘉穎有時都會透過 Winki收對方嘅風,而互俾 Surprise大家,所以佢哋三個咁 friend係有原因。」知情人士透露。




嘉穎 47歲生日,賴慰玲搶頭啖湯同嘉穎切 cake慶祝,不過陳凱琳完全冇介意。


上年拍《殭》時,嘉穎同女友 Grace嘅好姊妹賴慰玲一樣 friend過打 band。


賴慰玲同陳凱琳分屬好友,所以鄭嘉穎愛屋及烏。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()