林峯同千語 BB定時定候出埠,今次目的地係大阪五天遊。

探熱針

孖林峯大阪放血 半退休吳千語推戲推 job

贊助商連結

等咗四年,吳千語出盡千方百計,都未入到門做「廈門新抱」。不過……都無損 BB同林峯嘅感情。早前二人又拍拖出埠喇!五日四夜大阪之旅,林峯同 BB叉足電,落機時黑白情侶裝,襯到絕!

半退休

恃住有「峯嫂」光環,得廿三歲千語 BB,近年已經過住半退休生活,日日放狗過日辰,有戲唔拍,有 job唔接。無他嘅,有錢就係任性!
一心一意做「廈門新抱」,拍戲即時變兼職。再加上去年因為胃酸倒流,搞到暴瘦,千語 BB更加理直氣壯,不斷推戲推 job,就算老闆黃百鳴親自出馬,一樣冇面俾。




千語 BB指一指,林峯即刻動手搬行李上車,認真廿四孝。





落機時,千語 BB黑面,但林峯就心情勁靚主動打招呼。 接 job奄尖

「黃百鳴一直都好睇佢,又開戲捧佢做女一。不過公司同事個個知佢根本冇心做,幫佢接 job又多多要求,之前試過接咗個 event,佢 request一定要借到某大牌子嘅衫先肯去,仲話借唔到就出錢買,搞到啲同事好難做。」知情者透露。
拍拖四年,林峯帶住千語 BB差唔多遊咗半個地球。定時定候,例牌攞幾日假,陪 BB出埠歎世界。今次目的地,係 BB最愛嘅日本。
「阿峯嚟緊要開拍《獨步天下》,預計要喺內地逗留三個月,所以出發前,陪千語去個短 trip,同埋又到換季時間,佢哋係時候要去入貨。」




一年拍得一部戲,千語 BB間中出席公開活動,得 23歲就過半退休生活。


唔同無綫續約,林峯轉攻內地市場,不停接劇。


老闆黃百鳴開戲,指定要千語 BB做女一,她都一樣照推冇面俾。 情侶裝返港

玩足五日四夜,週日(二十日),林峯同千語 BB盡興而歸,二人著住黑白情侶裝落機,襯到呢!出閘時,林峯負責推住兩大喼行李,加兩個行李袋,千語 BB就兩手 fing fing㩒電話。之後林峯眼利,發現記者,仲主動打招呼。臨上車,千語 BB公主上身,手指指 order林峯搬行李,自己就轉身跳上車。







唔願開工,千語 BB日日放狗打發時間。

撰文、攝影、攝錄:娛樂組

, , , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()