同你吟一吟

誰是大話精? 鄭嘉穎大坑開餐都唔去台慶 陳凱琳:佢唔喺香港

贊助商連結

陳凱琳就巴閉啦,喺台慶嗰晚因為一句「粉身碎骨」震驚全港,成為全晚焦點,連福祿壽(王祖藍、李思捷同阮兆祥)環節都攞佢同鄭嘉穎呢對情侶嚟講笑。

 


咦?但係點解台慶咁大件事,身為鎮台之寶嘅鄭嘉穎,點解會唔出現嘅?唔通佢就嚟約滿,而且講到明會同大台 bye bye,就擺到明唔再俾面。
呢件事就梗係要問吓佢女友陳凱琳,佢好似了解晒男友行蹤咁,即刻就答:「佢好似唔喺香港,佢做緊嘢,遲啲返嚟!」
但係奇怪嘅事就發生,鄭嘉穎喺台慶直播緊期間,俾八珍見到佢幾個男人去咗大坑一間神秘上樓餐廳食飯,點睇都唔似做緊嘢喎!究竟係鄭嘉穎講大話呃女友唔喺香港,定係陳凱琳「粉身碎骨」去保護男友,驚男友俾大台詐型,所以同記者講大話呢?

 

做完台慶,陳凱琳有老豆接收工。

揸住架靚車,約埋幾個男人上去大廈私竇開餐,好神秘呀。

 

 

陳凱琳一句「粉身碎骨」,全港市民笑爆嘴,連 Do姐都忍唔住抽水嘲笑。

福祿壽表演棟篤笑,又借陳凱琳同鄭嘉穎過橋,嘲笑二人忘年戀。

陳凱琳口口聲聲話台慶夜男友唔喺香港,但轉頭鄭嘉穎就喺大坑現身,好離奇。去餐廳途中,鄭嘉穎周圍望驚死俾人認得。

一班港姐組成合唱團又唱又跳仲要剝埋,兼且唱功相當嚇人。

為搶收視,當晚一開波就有陳煒、高 ling、張秀文等,跳肚皮舞賣肉,不過有啲低級趣味囉。

好動盪呀!唔怪得現場觀眾睇到嘩嘩聲。

小生花旦晒冷演出趣劇,黃翠如、蕭正楠攞正牌晒恩愛,馬國明、洪永城、唐詩詠三角戀都擺埋上枱。
撰文︰八珍
nextplus.nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()