探熱針

未埋位先出擊 李彩華掃名牌撼藤原紀香

贊助商連結

圈中小富婆李彩華主攻內地市場多年,下月終於有機會回歸香港,跟一班日本演員包括藤原紀香、竹中直人、早見優等合作新戲《一夜再成名》,有競爭有得玩,跟 45歲長腿女神藤原紀香有不少對手戲,香港代表李彩華未埋位先出擊,狂掃名牌裝身,撼過。

 


半個鐘使十幾萬
李彩華跟一班八十年代當紅日本藝人合作的新電影,下月正式在香港開鏡,電影講述一班日本過氣藝人參與真人騷故事,在戲中飾演金牌監製的李彩華,幾乎成為香港唯一代表,尤其跟藤原紀香對手戲最多。
面對四十二吋長腿女神,李彩華亦不敢掉以輕心,唔使開工,她即把握時間瘋狂入定貨,早前,本刊影到她單拖到銅鑼灣 Hermes掃貨,在鋪頭半粒鐘,扑槌買了一個價值十多萬的手袋及數條絲巾。
「套戲入面, Rain做真人騷監製,成日帶住一班日本藝人周圍去,同紀香特別多對手戲,雖然 Rain都有番咁上下身形,不過紀香出名身材好,所以佢有時間,就開始入定貨,打算喺戲入面全部私伙衫上陣,連首飾都出真嘢,之前買嘅一對五卡幾鑽石耳環,佢都打算攞出嚟襯衫,總之就係要靚。」知情者說。

在 Hermes玩咗半粒鐘,李彩華將絲巾綁頭,示範另一種用法。

當日掃的 Hermes袋,熟客仔可以優先購買,李彩華孭上身已經愛不釋手。

雖搵到錢,不過少有在港的李彩華,依舊揸住多年前的 Mini Cooper周圍去。

曾經跟郭富城傳過緋聞的紀香,今年已為人妻,不過依然索爆。
認定男友結婚對象
上週收咗拍拖三年男友何遠恆親自炮製的生日蛋糕,兩個人撐枱腳慶祝後,剛過三十三歲生日的李彩華,繼續停工度生日週,上週三(十一月十六日)下午五點多,她便相約女性朋友在銅鑼灣 Cova歎下午茶,她說將會有排忙:「啱啱喺四川拍完一部電影,跟住再去新疆拍電視劇,中間就返香港拍另一部戲。」
據了解,認定何遠恆為結婚對象,李彩華近年更加積極接 job搵錢:「佢男友喺上海間建築公司上晒軌道,生意都幾穩定,梗係好想有頭家,反而 Rain想做多一、兩年先結婚,好似嚟緊部新戲,佢都幾有期望,所以拍緊劇都照接。」知情者說。

出動五卡半,價值 500萬的私伙鑽石耳環出鏡,李彩華真係落重本。

其中私伙包括 Hermes手錶及兩隻鈪,共值 50多萬。

在內地演出真人騷,李彩華亦有大騷白滑長腿。

早前出海,她少有著三點式騷身材,更放微博開心 share。

跟前五虎何遠恆拍拖三年,經常分隔兩地,今年她生日,男友預早去學做蛋糕,整了一個兩層的公仔蛋糕製造驚喜。

早前回港出席慈善 ball,即場捐錢給內地建學校。
集體回憶
今次跟李彩華合作的日本演員全是八、九十年代走紅的日本藝人,大玩集體回憶。

集導演、編劇及演員於一身的竹中直人, 97年更獲最佳男主角。

八十年代紅極一時偶像歌手田原俊彥,多年前開始轉型拍電影及參演綜藝節目。

中村雅俊是七十年代小生,他孭飛的勵志片《前程錦繡》帶動香港日本劇熱潮。

早見優是日本少男女神,甜美健康形象連譚詠麟也冧爆,合作拍《用愛捉伊人》。

五輪真弓屬日本殿堂級歌手,地位如香港的徐小鳳。
撰文、攝影、攝錄:娛樂組

, , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()