同你吟一吟

甩 Edison 楊永晴英明抉擇

贊助商連結

女人多過限量版波鞋嘅陳冠希,唯一獲打鑼打鼓確認女友身份係結婚對象嘅,只有楊受成姪女楊永晴, 08年淫照事件,佢亦受牽連,出浴照被流出,不過,當時 Vincy依然對男友不離不棄。

讀書叻, EQ又高嘅 Vincy雖然係好對象,可惜 Edison胃口大餵唔飽,唔想同其他人開心 share男友, 11年, Vincy決定放低呢段提心吊膽嘅五年情。
早排《壹》仔喺中環見到手攞住兩份養和醫院 X光片嘅 Vincy,同老豆楊超成由皇后大道中經戲院里行去告士打道環球大廈上車,沿途兩父女有講有笑。 19歲同 Edison拍拖,眨吓眼 Vincy出年就滿三張,前度至今仍然係「食家」,新歡中國超模秦舒培,傳聞仲為咗 Edison離婚, Vincy當年決定抽身,明智!




唔想司機繞大圈,攞住兩份養和 X光片嘅楊永晴,同老豆楊超成行幾條街去上車。


兩父女有講有笑,照 X光應該只係循例體檢。


拍拖五年,其間 Edison高調認愛,公司 CLOT活動, Vincy亦以女主人身份出現。


花弗 Edison 14年被台模 Ann狠飛後,舊年被踢爆秘撻人妻超模秦舒培。

撰文︰八珍

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()