近日樂易玲重受老闆陳國強器重,將邵氏電影大搞,故她招兵買馬,撬走唔少大台台前幕後。

娛樂偵訊

《使徒》《城寨》大收 珍姐迫走監製功臣 人工一蚊唔加

贊助商連結

工字望打出頭!《使徒行者》、《城寨英雄》的幕後功臣監製文偉鴻,在大台立功成為搶手貨;可惜過往是曾勵珍對頭梁家樹「親屬」的他,未有因功獲加持,反而被珍姐處處為難,諗計要將他踢走。文偉鴻心灰意冷,決過檔去珍姐另一死敵樂易玲的邵氏山頭,與敵人的敵人做朋友。

㩒唔住眼中釘

大台高層作風向來用人唯親,《城寨》監製文偉鴻( Jazz)本是梁家樹派系,自從對方退休離開無綫後,製作部由分成兩派變成曾勵珍睇晒,非「珍姐黨」的當紅監製文偉鴻,頓變孤兒仔。
據知,文偉鴻雖然是眼中釘,但他有實力運又高,由《 My盛 Lady》、《使徒行者》到《城寨英雄》,套套高收,㩒都㩒唔住,即使有人搵盡理由,想將他和他的作品打入冷宮,始終無從入手。
劇集有收視,連拍電影都掂埋。過去暑假檔電影《使徒行者》,由王晶同樂大媽掛監製名,文偉鴻繼續做導演,票房在內地收逾七億,有份立功的他,火速被內地製作單位挖角,就連自己友樂易玲亦吼到實,想將他撬過邵氏。
在大台紅褲仔出身,由助導捱到上監製的文偉鴻,雖覺得做生不如做熟,但珍姐不但未有考慮人才流失而加碼留人,反而趁勢逼對方走。




14年,文偉鴻炮製的《使徒行者》,令回巢的阿佘憑此劇稱后,收視口碑雙贏,之後仲拍成電影。


《城寨英雄》高收視,仲帶挈劇中演員彈出,屬今年大熱攞獎劇,但監製文偉鴻卻不被珍姐睇重。


《使徒》電影版,文偉鴻(左三)初當大銀幕導演,拍到影帝級人馬吳鎮宇、張家輝及古天樂,結果中港兩地大收逾七億。 大台告別作

「 Jazz(文偉鴻)喺大台做咗廿年,對公司係有感情,所以初時有人叫佢走,佢都唔諗,仲同珍姐坦白話有人挖佢,只係想公司象徵式咁加少少人工當誠意,佢就會留低。唔知珍姐係覺得 Jazz未夠班同佢講條件,定抑或認為佢始終唔係自己人,竟然留都唔留,仲講明一蚊都唔會加。 Jazz點可能唔心淡,咁即係變相逼佢走啫。」知情者說。
珍姐當草,將文偉鴻當寶的樂易玲決定人棄我取!
「《使徒行者》電影版掂咗,樂小姐即刻攞晒威,陳生(殼王陳國強)叫佢盡量搵多啲人才,似乎好放心交晒邵氏製作俾佢。雖然 Jazz只係得四年監製資歷,但樂小姐覺得佢仲有大把貨,亦唔擔心俾人背後講佢撬自己人,好落力游說 Jazz去邵氏。」知情者說。
沿用《城寨》班底陳展鵬、胡定欣拍新劇《同盟》的文偉鴻,已立定決心,將此作為在大台的告別作,之後,便轉投邵氏,幫樂易玲打仗。




曾勵珍的對頭梁家樹(左二)離開大台前,他提拔愛將文偉鴻由導演升上監製位。


據知已請辭的文偉鴻,開拍中的新劇《同盟》是其告別作。故《使徒行者 2》,監製換人外,幕前班底亦得「歡喜哥」許紹雄及苗僑偉有得留低。


文偉鴻雖有成績,但有指他沒被珍姐論功行賞,搞到對方洩氣走人。


近日深宵重播的神劇《創世紀》,文偉鴻都是導演之一,其功績的確不少。

撰文、攝影、攝錄:娛樂組

 

, , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()