未向外宣布有喜,本刊拍到黎諾懿緊張拖實老婆在銅鑼灣行街。

娛樂偵訊

一劑即中 「五億駙馬」黎諾懿呵住老婆去產檢

贊助商連結

跟家族有米的 07年落選港姐李潔瑩結婚兩年,黎諾懿在 11月 11日結婚兩周年公布一索得男。開心準老豆更緊張得跟出跟入,陪老婆去產檢。據了解,兩公婆只是服了一劑補藥便一舉成功,有心有力!

四月預產期

在婚宴上被「嚴謹」張達倫取笑結婚兩年仲未有動靜的黎諾懿,原來太太李潔瑩已佗 B四個多月,預產期是明年四月,由於佗得夠穩,日前兩公婆拍拖過大海,慶祝二人結婚周年。
其實早在準老豆公布喜訊前,本刊已發現黎諾懿陪住包到冚的李潔瑩到銅鑼灣做產檢,大肚婆身形變化不大,只是面部略帶浮腫。由於當日落住毛毛雨,地面濕滑,黎諾懿緊張地一直緊緊拖實老婆。為免大肚婆被撞到,他更一度攬實老婆行。




見愈來愈人多,黎諾懿即護住有餡老婆。


當日下着毛毛雨,雖然離開人群,但地面濕滑,黎諾懿傍住老婆上樓梯。


護送老婆到診所產檢,即將升呢做人父的黎諾懿才鬆一口氣。


產檢完,二人到 city'super超巿入貨,愈來愈好胃口的 Nicole全程笑晒。


行行吓, Nicole突然見攰要坐低休息。 佗 B好胃口

做完產檢,黎諾懿陪住睇落有點攰的李潔瑩,去附近的時代廣場 food court開餐,老公去買食物,李潔瑩坐低休息,不時輕撫肚子。之後見她大啖大啖食,胃口不錯。
黎諾懿爆老婆佗仔後食量大增,少吃多餐,隔三、四個鐘便嗌肚餓,每次吃不完的食物,就要他幫口,結果令他增磅不少。




老婆佗 B差不多四個月,黎諾懿日前在微博公布一索得男喜訊。


結婚兩周年,二人日前過澳門慶祝。


兩年前結婚,二人半年前積極造人,終於成功索到慈姑椗。 薛家燕教路

據悉,過去半年,黎諾懿與太太都有睇中醫調理身體,積極造人。
「個中醫叫羅輝,係林漪娸嘅老友,不過黎諾懿同老婆只係食過一劑中藥就中獎,未必關個中醫事。畢竟佢哋兩個後生,身體又幾好,快有都好正常。」知情人說。
除了睇中醫,黎諾懿亦得到薛家燕教路,叫李潔瑩每天用探熱針檢查體溫,體溫高的日子是懷孕高峰期,就要努力造人。就算要趕拍劇,都要交功課。勤力有回報,話咁快得咗。




黎諾懿鍾意小朋友,見到 BB即笑晒,對老友徐榮女兒愛不釋手。





黎諾懿鍾意食好嘢,兩公婆愛捐窿捐罅搵美食。


老友張達倫早前結婚擺酒,有份做兄弟的黎諾懿被笑無心無力,原來當時老婆已經有咗。


黎諾懿早前到上海拍外景,他有份主演的《愛.回家》在內地頗受歡迎,儲埋唔少粉絲。 想追多個女

「黎諾懿已經卅六歲,佢哋想生一仔一女,所以要盡快有 BB。其實拍《愛.回家》嗰陣見到徐榮個女咁 cute,黎諾懿成日抱到唔捨得俾番徐榮,整整吓自己都愈嚟愈想做老豆,而家終於俾佢恨到。」知情人說。
要賺奶粉錢,黎諾懿一劇接一劇,剛拍完《不懂撒嬌的女人》,下個月又開新劇,不過黎諾懿已向公司請定假,待明年預產期前便停工,專心陪老婆迎接小生命。




近年劇接劇的黎諾懿,剛拍完《不懂撒嬌的女人》,之後請假陪老婆。


過去幾年忙於拍長命處境劇,但只要有空檔,他就會帶老婆出外旅行補數。 生 B聖手

幫黎諾懿一次過搞掂的中醫師羅輝,一班《愛.回家》演員都是他的熟客外,高層曾勵珍和閨密林漪娸更極力推薦,在網上親子王國討論區,亦有不少媽咪留言,分享搵羅醫師調理身體準備生 B的經驗,不過藥費唔平,至於有幾 work,就視乎各人身體狀況。
對於黎諾懿夫婦數月前曾向他求醫,羅醫師並沒有否認。







有米老婆

黎諾懿老婆李潔瑩( Nicole), 07年澳洲南威爾斯大學畢業後返港參選港姐,憑 34C激凸身材成為焦點,有樣有身材的她落敗後未有加入娛樂圈,而是選擇幫屋企打理家族美容生意。拍拖多年,善解人意的李潔瑩從未有因婚期一拖再拖而催婚,一直等到男友拍完長命劇《愛.回家》,才拉埋天窗。




黎諾懿愛製造驚喜,二人婚前在水底影婚紗照,擁 34C的 Nicole水中碧波盪漾。


追仔團

電視劇《愛.回家》中幾個兄弟先後結婚,想生 B仔的阿登和嚴謹,講明已開行 turbo造人,不過馬壯最有心有力,搶閘成功。

嚴謹
「嚴謹」張達倫日前跟拍拖兩年的圈外女友陳鳳玲在深灣擺結婚酒,心急做老豆的他更即時向有一仔一女的徐榮請教生仔秘笈,希望一索得男。



阿登
「阿登」羅天池跟圈外女友徐佳已結婚超過一年,婚後雖努力造人,但要拍戲又要返內地拍劇,撲來撲去的阿登仍然未有聲氣。

撰文、攝影、攝錄:娛樂組

, , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()