娛樂偵訊

18年前打波先嚟落雨四眼仔  32歲 Eric鄭仲軒操爆肌做教練

贊助商連結

「打波先嚟落雨,唔通連個天都唔鍾意我?」這個社會福利署洗腦宣傳片播足十幾年,令人印象深刻!片中個四眼仔 Eric(鄭仲軒),原來已經 32歲,今年三月做埋人老公,同拍拖四年的女友結婚。當年瘦削四眼仔,如今是個任職健身教練的爆肌男,還會不時參加不同的健美先生選舉,堅大隻佬!

播到今時今日

十八年前, Eric為政府拍了首個處男廣告,沒想過這條宣傳片可以播到今時今日。「拍嘅時候我十四歲。都幾尷尬,每年都會播,會考放榜前實播!當時係阿媽同我講,話有個人搵我拍廣告,嗰時𡃁仔冇錢,想搵零用,咁咪去囉。」三千多元的酬勞,亦是 Eric至今唯一的廣告。




18年前,只得 14歲的 Eric還是四眼仔一個,一句「打波先嚟落雨」成為經典廣告對白。


有網民將「打波先嚟落雨」這個廣告延續下去。 好勝心強

不過,當年瘦弱的四眼男,如今已變成令人難以想像的爆肌男。
「由細到大都鍾意做運動,乜都玩!我唔係高大型,比較奀瘦,對做運動亦有好大障礙,所以想自己大隻啲。」
瘦仔階段的 Eric,體重只得百二磅。
「我個人好勝心強,習慣咗做 gym後,就 keep住健身,而家體重都升到一百六十幾磅。(今年係咪結埋婚?)係呀!我同女友拍咗拖四年,今年三月二十四日結婚。」




操到 fit爆的 Eric,現於 VO2做健身教練,是公司的力谷導師之一。


今年三月, Eric與拍拖四年的女友結婚。 澳洲學拳

未當健身教練前, Eric做過很多不同類型的工作,但冇一份做得長,三十歲前,他去了澳洲一轉 working holiday。
「喺嗰邊用咗年半學拳同做運動,返到香港真係想做同運動有關嘅工作,所以就入咗呢行。」
據了解,公司 VO2對 Eric十分器重,還以他作為 icon。
「公司對我好好,不過屋企人、朋友同公司都認為我而家咁嘅身形啱啱好,唔使再谷大隻啲。九月我參加咗 HK WFF PRO搞嘅健美先生選舉,拎咗個獎,下一個目標係十二月嘅 Mr. Olympia。」 Eric說。




Eric中學畢業時,體重只得百二磅,自從做 gym及打拳後,體重提升至百六磅,而且滿身肌肉。


趙勁皓( King)亦會參加 12月的 Mr. Olympia,有可能會跟 Eric交手。


Eric之前去了澳洲 working holiday,在當地學了年半拳及學做運動。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()